奧運

【東京奧運】吳諾弘奧運表現一鳴驚人不慎受傷 IG長文講賽後心情勁感觸

熱話

廣告

奧運 男子花劍團體賽於昨日(1日)在千葉幕張展覽館開戰,「劍神」張家朗、「大師兄」張小倫、蔡俊彥與吳諾弘出擊八強賽,硬撼俄羅斯奧委會。雖然經過激鬥不敵對方,無緣四強,但取得第七名已創下港隊有史以來最高排名。當中吳諾弘表現很勇猛、進取,表現一鳴驚人,網民紛紛大讚他是劍壇明日之星,睇好他下屆奧運為港爭光。

撰文:Clara | 資料、圖片來源:吳諾弘Instagram、各藝人Instagram、ViuTV奧運直播、TVB奧運直播、BigBigChannel YouTube

奧運表現一鳴驚人 藝人們大讚

吳諾弘年僅21歲,是隊中年紀最輕。昨日團體賽中,他表現相當勇猛、進取,不斷以極快速度追逼對方,氣勢強勁,對手一直往後退。最後他刺中對手,成功得分,表現一鳴驚人,很精彩。

有網民節錄一小段他進攻的片段,短片在網上瘋傳,很多人大讚他很熱血,是香港人的驕傲,又鼓勵他第一次出戰奧運,冷靜又穩定,表現已非常好,甚至看好他將會是下屆奧運奪獎牌的希望:「我同老公睇到嘩嘩聲,呢個人都以癲」、「你嘅步法快到我眼都眨唔切」、「對手估你唔到」。他一夜間人氣急升,Instagram的追蹤人數大大上升,由幾百升到接近五萬。

【東京奧運】吳諾弘奧運表現一鳴驚人 藝人們大讚
奧運表現一鳴驚人 藝人們大讚(圖片來源:TVB奧運直播電視截圖)

另外,因為吳諾弘是昔日TVB童星,參與過30幾套劇集演出,曾與視后余詩曼、楊茜堯(前名楊怡)做過對手戲,他也在TVB訪問坦言自己對慣鏡頭,所以抗壓能力高:「其實我頭先好緊張,前一晚都瞓唔到。但我諗演戲都會有幫助,因為相對地可能對鏡頭唔會太驚,但喺場上我緊張嗰陣,你哋睇唔到。」師兄張小倫就曾經讚他很會表演:「有呢個性格先會打到好劍。」

不少藝人都有留言讚賞,而曾經與他合作過廖碧兒、郭可盈就有於Instagram上載從前合照讚賞他。

奧運表現一鳴驚人 藝人們大讚(圖片來源:郭可盈Instagram截圖)
奧運表現一鳴驚人 藝人們大讚(圖片來源:郭可盈Instagram截圖)
奧運表現一鳴驚人 藝人們大讚(圖片來源:廖碧兒Instagram截圖)
奧運表現一鳴驚人 藝人們大讚(圖片來源:廖碧兒Instagram截圖)

強調童年已想做運動員 為落敗道歉

吳諾弘從小開始學劍擊,小三開始參加學界比賽並專攻花劍,小四至小六更三度蟬聯全港小學學界個人花劍冠軍。考入拔萃男書院後,他多次於比賽獲獎,完成中五後休學做全職運動員。賽後,吳諾弘曾連同隊友張家朗、張小倫、蔡俊彥、教練賽後接受TVB訪問,他坦言做運動員是他童年夢想,多年來努力鍛練,只是想爭取更加好的成績:「細個夢想梗係做全職運動員,希望一步步為參加奧運而努力。」

【東京奧運】吳諾弘奧運表現一鳴驚人 藝人們大讚
強調童年已想做運動員 為落敗道歉(圖片來源:TVB奧運直播電視截圖)

其實早於11歲,目標清晰的他已經接受過TVB訪問,講到明入奧運是其夢想:「我將來希望代表香港出戰奧運會,做一個劍擊運動員,希望幫香港攞到幾面金牌啦!」

【東京奧運】吳諾弘奧運表現一鳴驚人 藝人們大讚
強調童年已想做運動員 為落敗道歉(圖片來源:BigBigChannel YouTube影片截圖)

今日(2日)他在Instagram講述賽後感受,他強調自己是由細愛玩劍擊到大:「對於我嚟講,今次呢一場比賽意義真係好大。我由細細個小學三年班就開始學劍,一直夢想住成為香港代表隊。而努力咗咁耐,為嘅就係呢個終極目標——參加奧運,甚至係可以行上頒獎台上面。隨住我成長,我所經歷嘅嘢越嚟越多。而呢一切造成咗我今日可以踏足到奧運舞台嘅機會,令我經歷咗呢一段難忘嘅旅程。同時再一次提醒咗我自己,我係有幾鐘意劍擊。」

他感謝大家對他的支持與鼓勵,同時因為落敗而道歉:「好多謝係呢段時間一直陪住我嘅人。好多謝有份喺我低潮期嗰陣,幫我振作返起嚟嘅人。亦都好多謝咁多位喺百忙之中抽時間睇我哋比賽,幫我哋打氣。但同時都想同一班對我哋充滿期望嘅人講聲對唔住,今次嘅表現同成績可能令大家失望。但係,我承諾大家,我一定會更加努力去訓練,打好往後每一場比賽,成為一個更好,更出色嘅運動員,甚至係一個更加好嘅人!點都好啦,可以同咁多位一齊出戰奧運係我嘅榮幸,多謝你哋畀咁多鼓勵我。同埋都多謝教練同陪同嘅工作人員,喺背後support我哋,令我哋可以專心比賽。」

因為比賽,他不小心受傷,他指自己已經照完磁力共震,醫生表示只是拉傷大腿內側肌肉。他指現在走路都還會痛,但他叫大家不用太擔心:「我會好快無事(應該)」

強調童年已想做運動員 為落敗道歉(圖片來源:吳諾弘Instagram截圖)
強調童年已想做運動員 為落敗道歉(圖片來源:吳諾弘Instagram截圖)

暖男公開拍拖日記甜到漏

好多網民都話因為這次比賽被吳諾弘迷倒,不過他已經有一個感情穩定,就讀中文大學的女朋友。他經常上載兩小口子的合照放閃,更設有一個女朋友專屬相簿,記錄拍拖點滴。他還很貼心與女朋友用同一款情侶手機殻,甜到漏。