林曉峰 : 感激康子妮背棄理想成全家庭

Aug 25 2016

每個人唔同階段有唔同夢想，有啲人的夢想好遠大，想為世界作出改變，有啲人的想就好簡單，想有自己一頭家。康子妮（Lily）從小到大的夢想就係做音樂。但當佢選擇咗同林曉峰 (阿Lo)結婚生仔，音樂夢就只能擱置，咁Lily有無後悔呢？

撰文：Fiona Fong

今年年頭，Lily同阿Lo終於有自己的物業，有自己的家。阿Lo話：「多得老婆同我一齊捱，為咗成全我，放棄自己的夢想，去照顧家庭，好感激佢！」其實一有自己的家庭，就好難兼顧夢想。Lily當年生大仔時，得27歲，都未買到樓，所以兩公婆真係捱返嚟o架！

咁後生就結婚生仔，咪要放棄好多嘢？不過回想起來，子妮覺得有仔趁嫩生的決定非常正確，「咁早就要投放所有時間俾個仔，自己要擱置，係咪啱呢？初初都有疑惑過，但依家望番轉頭，好彩我係咁做，如果唔係我同小朋友關係，唔會好似依家咁friend，我仲後生可以陪打波，亦儲夠人生經驗，可以開始事業新一頁。」

關鍵詞

熱門文章