萬千星輝｜林盛斌罕提輸獎被仔女看低對話超心酸 王祖藍4字為打爛獎座打圓場
Bob林盛斌台上感性致辭 承諾替陳庭欣找男朋友
有「金牌媒人」之稱的林盛斌在台上發表感言之前，首先向近日失戀的陳庭欣喊話「陳庭欣，唔使擔心，我一定會幫你搵男朋友！2026年我咩都唔搞，淨係搞你一個！」隨後他收起笑容認真地說「多謝TVB，我等咗呢個獎等咗好多年，今日終於有呢個機會上台，去見到呢一個畫面。」Bob逐一感謝曾志偉、珍姐、蕭生、佳導、樂小姐和Ken哥的栽培和支持，又特別感謝曾志偉教導他做主持人要「莊諧並重」，希望大家見到他這幾年的進步和改變。
萬千星輝｜王敏奕奪女配角 成長學歷背景曝光 14歲身兼母職 佘詩曼點名大讚她1事
Bob搞笑感謝岳父岳母 罕提輸獎後被仔女看低心酸對話
Bob在台上深情感謝父母、弟弟的支持，特別提到岳父岳母誕下女兒黃乙頤（Pearl），成為自己的太太：「佢係我最強大嘅後盾，永遠支持我，等我可以好努力咁樣喺出面拼搏，搵食搵錢，俾佢使。」他又向四名子女霏霏、熹熹、機機、JJ喊話，憶述過往幾年有份提名但未能得獎時，子女曾對他說「唔緊要啦爸爸，喺我心目中，你永遠都係攞唔到獎嗰啲人嚟㗎喇！」Bob坦言初入電視台時經常面對負評，網民批評他「個樣好衰，呢個光頭佬把聲好嘈，食屎啦！收皮啦！」曾令他感到不快，但他堅持努力最終獲得觀眾認同。
Bob激動打爛獎座成頒獎禮焦點 王祖藍幫手打圓場
林盛斌上台領取「最佳男主持」獎時表現極度激動，發表感言期間數次聲音顫抖，結尾更高呼「今日我好開心攞到呢個獎，俾我一個好大嘅鼓勵，我會繼續努力做一個最好嘅主持人，多謝！」豈料他太過激動，竟一手將獎座撞落台面，獎座隨即被打爛成兩截，令全場觀眾嚇呆。頒獎嘉賓王祖藍立即打圓場說是「落地開花」，意味有富貴榮華的吉兆：「TVB開台以來第一位喺台上面整爛個獎，落地開花！」，同時也化解了尷尬氣氛，全場隨即爆發出笑聲和掌聲。
萬千星輝｜倪嘉雯奪女新人 高材生學歷背景猛料 Band1名校畢業 入行前身份惹關注
Bob黃乙頤四名子女激動爆喊變豬頭
Bob太太黃乙頤和四名子女在家中觀看直播，見到Bob獲得「最佳男主持」一刻，屋內所有小朋友都激動得又叫又跳，尤其細仔JJ激動對住電視機大叫「爸爸！」太太將這些溫馨畫面拍攝下來製作成短片分享至社交網，感慨留言「2009年大家姐一歲，林生由大氣電波進入電視機，2026年佢有四位小朋友，最細嘅八歲，17年，起過、痛過、怨過、落過，就是沒有後悔過！失意的時候看過程，得意的時候看結果，人生每一步都是成長，直至成功，每一步都算數！」黃乙頤又以字幕交代老公是史上第一人「即時整爛獎」，指四個仔女喊到變豬頭，足見一家人都為Bob得獎而感到無比高興和驕傲。
