梅艷芳

梅艷芳28歲姨甥潘文皓學有所成 揭失聯21年原因 感激姨姨贈教育基金

熱話

廣告

電影《梅艷芳 》上映至今好評不斷,姐姐梅愛芳00年離世後遺下兩個兒子潘文皓、潘進皓,臨終前交託梅姐梅艷芳好好照顧他們。惟梅愛芳老公潘立德帶着他們離港,沒有留下聯絡方法。梅艷芳用盡方法都找不到他們,公開尋親亦失敗。三年後她病逝,未能尋回兩個失聯多年的姨甥。近日其中一位姨甥潘文皓終於在社交平台現身與梅家相認,撰寫長文表示這21年來都很懷念梅艷芳。日前(5日)他接受主持車淑梅電台訪問,講述在外國生活的日子。

潘文皓嘆不知梅艷芳尋親 坦言曾有少少怕她

潘文皓於香港電台節目《舊日的足跡》透過長途電話接受主持車淑梅的訪問。他從小就知道梅艷芳是一個大明星,他讚對方很直率、很有為 、很堅強,喜歡講笑令身邊人開心,時時刻刻為人設想,而且是個永不放棄的人:「電影中佢話:『 只要有信心、世上無難事 !』呢一句正正喺佢生命話畀我哋聽。」不過他亦指梅艷芳把聲有力,加上很有威嚴,令他小時候頗害怕她:「有無被佢鬧過我唔記得,但係我真係有少少驚佢。」

可是他自六年級開始就在溫哥華生活,一直不在香港,所以不知道她曾努力尋找他們的下落,直到現在科技發達才得知此事。他表示如果當時知道,爸爸一定會帶他們回港見她:「當我知道佢一直有心搵我哋,亦係佢臨終前一個心願,真係覺得好難過。我依家大個咗可以幫佢完成心願,即係佢可以搵番我哋喇。」

當年梅媽壽辰留下珍貴的大合照,左起:潘立德、梅愛芳、梅艷芳、梅媽覃美金、潘文皓及潘進皓
當年梅媽壽辰留下珍貴的大合照,左起:潘立德、梅愛芳、梅艷芳、梅媽覃美金、潘文皓及潘進皓(圖片來源:東方新地照片庫)

潘文皓學有所成 感激梅艷芳留下教學基金

現時潘文皓28歲,做IT行業,正在拍拖,但未結婚,弟弟就任職IT電影後期工作,爸爸很健康。他很感激梅艷芳將部分遺產留給他們做教學基金,讓他與弟弟順利完成大學課程,現在又有一份好工。他指17年曾返港,但未有聯絡梅家,如果情況可以,半年內會回港探望98歲的婆婆梅媽:「我好想返去見佢。」

梅艷芳28歲姨甥潘文皓學有所成 揭失聯21年原因 感激姨姨贈教育基金
(圖片來源:[email protected] Poon)
梅艷芳28歲姨甥潘文皓學有所成 揭失聯21年原因 感激姨姨贈教育基金
(圖片來源:[email protected] Poon)

潘文皓睇《梅艷芳》聽亡母生前感言落淚

潘文皓坦言看了電影《梅艷芳》三次,將會看第四次,看到落畫。他憶述女主角王丹妮在香港謝票時,他們有談過視像電話,他認為對方戴口罩時眼神酷似梅艷芳:「我好感動,有機會真係想同佢傾多幾句。 」他亦指廖子妤短頭髮時很像他媽媽。

梅艷芳
(圖片來源:電影《梅艷芳》官方圖片)

他覺得電影中很多幕都很感動,令他看第一次時不斷流淚,第二次、第三次又有不同感覺。一來見到媽媽與梅艷芳一起站在舞台上表演的時候,令他體會到二人深厚的姊妹情;二來是見到梅艷芳探望病榻在床的媽媽那幕,觸動其心:「媽咪病床上有張相見到我同細佬,佢望住話唔知可唔可以睇住我哋長大,就係呢一句,聽到好難過,好遺憾佢唔可以睇到我哋長大。」他解釋媽媽逝世時,他只有七歲;梅艷芳逝世時,他只有11歲,有些畫面是透過電影才得以「重現」其眼前:「眼淚不禁流落嚟,細個嗰時見唔到嘅。」

梅艷芳
(圖片來源:電影《梅艷芳》海報)
梅艷芳
(圖片來源:電影《梅艷芳》官方圖片)

他表示讀書時與梅艷芳的粉絲聯繫過,才知道香港有這套電影上映。他知道電影中一定會講述很多關於媽媽、梅艷芳的往事,當時已決定會入場觀看,其爸爸潘立德、弟弟潘進皓都有看。他讚電影中的梅愛芳,與他媽媽一樣:「係一個好稱職嘅媽咪,好畀心機教我同細佬,腦海裡邊好難想到一個畫面佢鬧過我哋 。佢係一個好積極樂觀嘅人,遇到乜嘢難題都係笑住面對,正如電影情節一樣。」

梅艷芳28歲姨甥潘文皓學有所成 揭失聯21年原因 感激姨姨贈教育基金
(圖片來源:[email protected] Poon)

潘文皓最難忘梅艷芳一句話

潘文皓知道今次很多人仍然想念他媽媽與梅艷芳,他好感動:「姨姨佢嗰種精神,將所有精神同時間貢獻畀歌迷、音樂、舞台……遺憾佢無結婚,最終嫁咗畀舞台同大家,佢呢個態度好值得大家敬佩,我希望佢知道而家仲有好多人繼續愛佢,掛念佢。姨姨講過希望有一晚,大家食完飯出去望住星星嘅時候會記得佢,一個曾為我哋帶來小小歡樂嘅朋友,會記住佢個名叫做梅艷芳,我會一路一路記住佢哋,永遠以佢哋為榮。」

潘文皓承諾媽媽姨姨會好好生活

最後潘文皓承諾會努力以他們為榜樣:「做媽咪嘅仔、姨姨嘅姨甥有種壓力,我好想學識佢咁樣,嗰種生活態度、處事方式,因為覺得佢種生活態度、處事方式。因為我覺得佢哋好堅強、好樂觀積極。」他說:「我想同媽咪講 ,佢喺天上一直看顧住我同細佬,所以我哋唔可以做一啲令佢失望嘅事,我會好好咁生活落去 。我要好好成長,好似佢哋咁對自己同對身邊嘅人。」

圖片來源:東方新地照片庫、[email protected] Poon、電影《梅艷芳》官方圖片、電影《梅艷芳》海報

你又點睇?

更多精選內容