森美大讚小儀老公品味一流 當日封「史上最多」人情價位 回應傳授生仔秘笈給小儀
森美盛讚小儀老公品味一流
森美近日出席活動，受訪期間毫不吝嗇地讚美小儀的老公，直言「以小儀呢個質素，係匹配嘅」。他更大膽比較指「同Edan（Mirror成員呂爵安）比，我覺得Edan是輸少少，彭於晏贏少少。因為小儀都鍾意呢兩個」。森美續指雖然在跳舞和歌藝方面，小儀老公可能不及蔡一傑，但在靚仔程度上絕對勝過自己。他特別強調小儀老公最厲害的地方是品味一流，笑言「如果唔係我老婆阻頭阻勢，可能我都會追她，我品味未夠勁」。
小儀老公被爆身份背景疑曝光 網民驚嘆蘇民峰神預測 講埋2026年！
森美澄清「金剛係小儀老公」傳聞
談到之前曾傳金剛就是小儀的另一半，森美即時搞笑澄清是假消息：「要數呢啲假嘅，我都未到啊，輪到金剛？我知小儀唔會揀佢，我亦知金剛係花心嘅」。森美坦言與小儀另一半已經很熟絡，形容對方兩人是天作之合，「佢哋由開始到走埋一齊，中間同其他情侶一樣，都經歷好多，我亦做過和事佬，聽佢哋分享感情亦有，最後能去到呢度，我係好戥佢哋開心，所以我要守護住佢哋呢段情」。
阮小儀突宣布結婚做人妻 AI專業推測分析神秘老公身份年齡似係姐弟戀
森美封「史上最多」人情給小儀
森美透露小儀沒有擺喜酒，當晚只是一班親朋好友一起吃飯，場面很溫暖，小儀沒有哭反而很開心。他更自爆禮數做足，「其實封人情算係我史上俾得最多」。當被問及是否5位數時，森美即時否認「黐線！係3位咁上下，佢又唔喺酒店擺，食餐飯係3位」，網民對於森美回應「三位數」人情表示震驚及大感疑惑，並推測他只是講笑而已。此外，有指小儀老公是一名有權力或財力人士，森美即表示「無咁誇張」，並澄清對方是普通人，「同小儀一樣都係好簡單」。
55歲阮小儀聖誕突宣布結婚 情侶錶婚戒曝光神秘老公身份
森美回應傳授生仔秘笈給小儀
被問到小儀有沒有計劃生BB，森美有叫她考慮「無所謂，可以諗下囉」，又指小儀很喜歡自己的小狗仔，暫時沒有生育計劃。 婚後與太太育有一仔一女的森美當然希望小儀也能擁有下一代。不過當被問會否傳授生仔秘笈給小儀及其老公時，森美即搞笑回應「我驚小儀頂唔順，我話曬生咗兩件，唔係個個都頂到架」，引來現場一陣哄笑。
