楊千嬅 :結婚生仔從來都唔係計劃之內，直至遇到丁子高
原文：東方新地
編輯：Fiona Fong
相片：楊千嬅、丁子高IG
感謝•感恩•感動❤birthday cake made by Mini Ting （assisted by 姐姐） #mamaloveyou #aquarius #chinesenewyear #holidaymode #ilovemymom #正日 #brownies #socute #iwannacry #3口子簡單的感恩的 Mini Ting 話 mommy , daddy and me in the birthday cake 😂你們能把我找出來嗎？ （明天揭曉）🎂🎂🎂🎂
楊千嬅（@yeungchinwah）張貼的相片 於 張貼
懶理別人閒言閒語
對 於當初大家都唔睇好丁子高同楊千嬅呢一對，千嬅一於少理！「我哋嘅生活係需要自己控制同選擇，無理由活係別人嘅話說，呢個圈輿論多，要學識咩應該聽，咩唔 應該聽！我同丁生都係自信嘅人，比較明白相處對大家的信任，呢樣先係最重要。」Real亦坦言自己開頭係有壓力。「但去到中間，已經唔需要聽外界對我講嘅 任何嘢，我覺得千嬅比我辛苦，我受嘅壓力可能來自輿論，但佢有機會俾鸒邊的朋友俾壓力，可能佢比我更唔開心，我反而覺得我哋好似命中注定我愛你咁，同佢就 好似整定咁，個天注定咗我哋相遇，大家有呢個理念，唔開心的時間係好短。」
結婚生仔從來都唔係計劃之內，直至⋯⋯
千嬅曾表示，愛工作的地步係去到寧願犧牲自己的家庭時間，結婚生仔從來都唔係計劃之內，但直到丁子高出現。「佢引領我，原來我可以有好多嗜好或者能力，佢係我第二個人生開竅位，我曾經去到一個地步，係要攞最高最叻，乜都係最最最，但永遠忽略咗自己係咪享受。直到呢個人出現。有晚我俾隻歌丁生聽，佢話：個Key係咪唔啱你唱啊？唔好聽！我心諗咁大膽嘅，啱啱識無耐，嗰刻我發現呢個男人可以同我Connect到，佢嘅說話我仲要放上心，嗰時開始有啲改變，決定唔做音樂住，等個人休息！」
好想學識點做一個太太
遇到丁子高之後，千嬅表示個人開始放鬆。「學識咗放鬆之後，好想學識點做一個太太，或者處理一頭家，我由買好多手袋、鞋，變到買好多煲、碟，仲要好享受！嗰時有找我拍戲《志明與春嬌》，我嗰陣已經係丁太啦，又唔怕有緋聞，大家都好放鬆，就變咗志明同春嬌之間的火花啦！我依家好愛我嘅工作，但做媽媽同太太都係我嘅選擇，呢個責任係要負一世，所以我會以家庭為重！」
讚千嬅係好老婆
丁 子高一向都覺得千嬅好好，將屋企所有嘢都照顧得好好。「佢有時間就會去買餸，買Torres啲嘢，因為要新鮮，所以成日去買，佢又唔放心工人姐姐買，想自 己揀。」問到仲想唔想生小朋友，Real就話：「我同老婆都想有㗎，但佢實在太忙啦，有小朋友又要停晒啲工作，唔會特登停晒啲工作安排，到真係有咗，啲工 作自然會停。」
Torres好驚爸爸
丁子高負責做嚴父的角色，Torres都好驚佢！「我有同佢玩，但生活上，如沖涼，氹瞓覺，好多時都係千嬅做，所以有時佢有少少頑皮，千嬅話：唔准咁！佢日日都講，又點會驚，我鬧過佢一次好甘，佢就知道爸爸底線原來係咁。」
