52歲楊千嬅自揭「凌晨5點半生女」真相：等咗咁多年Torres有個妹啦

楊千嬅凌晨五點半「生女」Am’miri終於面世

楊千嬅與老公丁子高花三年時間秘密開發全新IP公仔「Am’miri」，原定下午舉行的深圳快閃店開幕活動，千嬅指為「女兒」要凌晨五點半就要起身準備，她笑言這次「生女」比當年生仔Torres更加折騰。
楊千嬅透露，「Am’miri」這個IP公仔其實源於老公丁子高的構思，兩人希望透過公仔與歌迷分享生活理念。經過足足三年研發，這個擁有淡紫色頭髮、精靈耳及純白翅膀的天使BB終於在5月15日於深圳灣萬象城全球首個限定快閃店正式亮相。
Am’miri象徵每個人內心的小朋友，溫柔守護初心，千嬅在開幕活動中開心談及「女兒」，更跟大家分享了「囡囡」的五大情緒特質——陪伴、愛、接納、包容、勇氣，其中她特別鐘意「勇氣」，表示：「心口最緊要有個『勇』字，跌都唔使怕！」

而這個擁有淡紫色頭髮、精靈耳及純白翅膀的天使BB「Am’miri」，楊千嬅表示象徵每個人內心的小朋友，溫柔守護初心：「希望Am’miri總會喺你最需要嘅時候出現，用溫柔治癒你。」

千嬅稱生仔都冇咁早起身：等咗咁多年Torres有個妹啦

報導指出，此次活動原本計劃於下午舉行，但千嬅到達深圳後，場地方面收風大批歌迷及市民準備圍觀，擔心人潮太洶湧難以控制，臨時要求改到早上八點半開始。千嬅笑話：「結果我係前一晚要凌晨五點半就起身化妝梳頭，真係生仔都冇咁早起身。」她又補充：

「不過當年生仔，都係一早入醫院準備，所以成朝都有一個準備生個女嘅心情！」

千嬅更開心表示兒子Torres終於有個妹妹：

「我等咗咁多年，終於生咗個女，Torres有個妹啦！」

楊千嬅期待攬住個女瞓覺

快閃店下午開放後隨即湧現大批搶購人潮，場面相當墟冚。有歌迷表示：「見到千嬅歌裏面一直存在嘅溫柔人格變成真嘅，特別開心，一定要擁有！」對於粉絲的熱烈反應，千嬅坦言沒有預期公仔會引起如此大迴響，她說：「其實冇諗過話要做到個公仔幾勁幾多人鐘意，只係想同歌迷朋友一齊開心分享。」千嬅近年鍾情玩偶收藏，她更笑言：

「依家多咗個自己親生女，如果可以出毛公仔，第日就可以攬住個女瞓覺！」

Am’miri深圳限定快閃店開放至5月27日

Am’miri深圳限定快閃店免費入場，開放至5月27日，同步為千嬅5月23至24日深圳「春繭」演唱會進行宣傳熱身。