43歲楊卓娜上茶事課努力增值自己 衣著打扮成焦點被網民批不尊重場合

撰文：Sundaykiss｜攝影: Sing Ho｜資料、圖片來源：楊卓娜Instagram

楊卓娜上茶事課衣著被批不尊重場合

事緣楊卓娜覺得茶文化在香港不太普及，大多數人都對茶事，有所誤解，更以為是日本茶道（講求認識，規矩，派別），所以她特意報讀茶事課，認識這門中國文化。昨日她上載茶事課學習品茗的相片到Instagram，相中她穿上牛仔連身背心裙，非常密實，也非透視裝，惟因胸前有一個洗水胸圍圖案，結果惹來很多負評，她逐一回覆。

有網民坦言被「嚇親」：「你呢件衫真係嚇親囉，點解會著成咁奇怪，一時你扮中年文青，一時你穿成咁，唔會讚你大膽，只覺得肉酸⋯」、「件衫好核突，你本身好靚，真心建議你唔好再著成咁！」，楊卓娜回覆：「乜都試吓，我反而覺得圖案好搞笑。我從來沒有刻意營造自己是文青，我想分享的都是我喜歡的事情。」有人批評她穿上這件衫出席茶藝活動，不尊重場合：「唔太適合品茶呢個氣氛，下次戶外活動可以再著」不過亦有網民讚她很前衛：「焦點在胸前咪咪上，衣服個性十足！」、「着衫講求舒服，我覺得唔需要理會其他人嘅目光」、「件衫好頂癮」

見到大家的批評，楊卓娜馬上自嘲：「大家嘅反應笑C我，平日着，自己睇唔到自己！今次影相特別覺！所以我覺得好好笑！」她解釋穿著原因：「其實呢條裙我成日着（平日的casual wear )，着得好舒服。時裝真係各花入各眼！其實呢個種Style好耐啦！好多年前都已經好多設計師用過，有啲仲係Lace Bra印在T恤上！我睇雜誌都見過！當時我已經覺得好靚！」最後她感謝大家善意的留言，承認當日打扮欠缺裝重：「不過多謝大家意見！我噚日純粹係貪方便，唔想襯衫！是但拎起一件就着！完全無諗過場合問題，多謝大家嘅善意提醒。」

廚藝媲美大師級作品

楊卓娜在抗疫期間花了不少心思製作精緻的菜式及糕點，配上不少詩句，十分有意境，部分更有食譜教學，有興趣可以試試整！網民紛紛大讚：「美得像一幅畫，都不捨得食」；「第一次見咁巧奪天工嘅菜式」。

香蔥蛋捲食譜：

1. 把牛奶200ml、雞蛋2隻、低筋麵粉100g)、牛油70g、糖粉20g、鹽5g、蔥花少許混合一起。
2. 煎兩邊，即成。

水信玄餅食譜：

1. 優質士多啤梨，可食用的花材徹底清洗備用
2. 寒天粉/海藻粉20克
3. 80至90度熱水1200ml, 加入少量糖粉或砂糖（可以不加），慢慢放入寒天粉拌勻！
4. 加入幾滴玫瑰水，或者其他的味水
5. 選擇透明器皿，放入少量混合物，放至微涼，然後加入士多啤梨，再放涼多少少，可放入花材！
6. 把所有材料遂層放滿，排列成自己喜歡的圖案，（但要注意時間的控制，寒天粉混合物的溫度不能太涼，否則容易失敗）
7. 器皿內的擺設完成後，冷卻完，放入雪櫃冷藏三至四小時。
8. 水信玄餅凝固後，可以倒出放在碟上。
9. 食用時可以加入黑糖漿，和熟黃豆粉即可，味道清新可口。

因手工藝認識老公如今是最強後母

「廣告燈箱大王」楊志翹早年喪妻，遺下兩名女兒舒婷和舒雅，楊卓娜成為她們的手工藝老師，繼而認識楊志翹。一入門，她就成了兩個女兒的後母，後來為老公誕下細女。一直以來，她對三個女一視同仁，三姊妹雖然年紀相差幾遠，嗜好及生活圈子各有不同，但她們一致喜歡聽英文歌，在音樂上有很多交流，一家融洽。但她指細女豹豹最黐爸爸， 因為爸爸最玩得， 反而嫌媽咪嘮叨， 有時都會呷醋呢。

她十分滿足現狀，生活安穩之餘，亦有空間追求自己的興趣。除了湊女之外，她喜歡閱讀、做手作，近期就愛上園藝，在小花圃種花種菜，療癒身心；相反老公的興趣大多是戶外運動，如踏單車、潛水。「佢有佢去玩，我就留喺屋企做我想做嘅嘢，我哋會畀空間對方。」

維繫婚姻最重要是緊密溝通，有心靈交流，物質只是其次。「我一有唔開心都係同佢傾，佢會細心開解我，互相明白係好重要。我唔會擺物質第一位，有得食有得住就得，或者買樓公一份、婆一份，不過依家樓價咁貴，租到間屋已經好好，再建立自己家庭，大家齊心、安穩就夠。」當然兩人偶有意見不合之時，她不會與老公硬碰硬，一方責罵時，另一方保持緘默，時間一過便會沖淡不快。