已婚同事自爆避派利是招數 1招避開親戚慳更多 網民狠批小家唔識做人
廣告
農曆新年又到，普天同慶派利是，圖個好意頭！不過有網民早前在討論區發了一個有趣帖文，分享自己公司有位已婚同事為了不派利是出盡各種招數，更教大家一招神技可以避開派利是給親朋戚友！帖文一出隨即引起熱論，該已婚同事更被狠批小家！
已婚男同事自爆請假避派利是 一招連親朋戚友都唔使派！
為了不派利是你可以去到幾盡？有網民於香港討論區發帖文，並以「已婚同事話唔想派利是畀我哋」為題，分享公司有同事為了不派利是而出盡招數，令他大感驚訝！不過亦有網民表示樓主同事有不派利是的權利，更加欣賞同事誠實講出「不想派利是」，值得大家尊重！
已婚男同事自爆避派利是招數：請連假及去旅行
樓主指出，該已婚男同事早在12月尾時已申請過完年要放連假，當大家都以為該同事只是貪有得放連假而請假，不過在閒聊時，已婚男同竟自爆是因為老婆落Order不想他回公司派利是：「點知佢話唔係，純粹因為佢老婆唔想派利是畀未結婚同事，所以叫佢攞假，到星期一返工嗰陣都已經唔使再派利是」。
只要去旅行就連親戚利是都可以慳返！
樓主聽到已婚男同事的如實作答感到十分尷尬，直言：「其實大家都冇預佢會派利是畀同事，話晒男同事又唔係上司，大家咁高咁大派唔派都冇所謂啦，但係佢老婆咁樣唔想派就核突咗囉」隨後樓主再追問過往工作遇上新年的情況，已婚男同事竟再次自爆：「之前冇疫情就會去旅行，連親戚朋友啲利是都可以慳返」為了不派利是可以去到咁盡！
網民反應兩極 批避派利是「唔識做人」、「行為肉酸」
帖文一出後即引起網民熱論，不少人覺得該男同事行為「肉酸」，給人感覺非常小家：「咁老土都得」、「做人做到咁，真係冇乜意思！」、「唔識做人」、「派都派$20啫， 咁小家」、「其實唔派都無所謂啦！講埋出嚟好似肉酸咗」。
也有網民大讚對方「老實人」 捍衛唔派利是權利
不過亦有網民表示欣賞該男同事夠誠實，而且贊同每個人都有選擇派不派利是的權利：「你同事好老實」、「冇問題！各有原因！」、「同事又唔係一定要派」、「成日唔想派利是嘅人真係好討厭，但係成日想lam人封利是嘅人更加討厭..」、「派唔派都係心意，講真大家都係同事都唔好意思收佢個封」
圖片來源：《香港討論區》截圖、TVB《愛回家開心速遞》劇照
