男子疑不滿警號聲大阻消防車出勤 消防員落車爆11字金句獲大讚鬧得好

長洲男子當街攔截消防車爆罵戰

社交平台Threads流傳的影片顯示，事發時一輛長洲東灣泳灘消防後勤支援車正亮起警號及閃燈，準備前往直升機停機坪執行任務。然而一名背著背囊的男子突然擋住消防車去路，令消防車無法通過。消防員被迫下車與男子理論，雙方隨即爆發激烈口角。男子高呼「50米喎」，消防員則回應「邊度50米啊，你自己度下」，男子更挑釁地說「咪度下囉」。消防員忍無可忍地斥責「我唔同你講，你離晒大譜」，更怒罵「就係你呢啲人搞到香港咁樣」，男子立即反擊「你呀」。

消防員怒斥離晒大譜 遭男子繼續挑釁拍打車身

爭執進一步升級，消防員動怒表示「係呀我呀，我幾廿年呀我同你講，離晒大譜」，強調自己擁有20年工作經驗。男子卻不甘示弱回應「你亂講嘢呀…有嘢就講，冇嘢就躝」，態度極為囂張。消防員最終上車並手指指著男子稱「會有報應㗎我同你講」，隨後另一名消防員開車駛走。豈料男子竟然拍打消防車車身，並大聲叫囂「你咪有，戇居，驚你呀」，行為極為惡劣。另一段影片顯示消防車最終成功抵達直升機停機坪，當時已有直升機在場等候。

網民炮轟男子行為離譜籲嚴懲：消防員鬧得好

影片曝光後立即引發網民熱烈討論，絕大部分留言都強烈譴責男子的行為。有網民留言「真係未見過人同消防嘈，奇聞」、「阻住消防執勤真係把炮」、「阻礙消防同救護執行職務係犯法，我以為係常識」。
亦有網民建議當局採取法律行動，「阻礙消防員執行職務可以拉得，支持消防」、「拍打政府車輛告佢毀壞政府物件」、「可以告刑事毀壞啦」、「妨礙公職人員執行職務」、「香港好多人都係咁，不論男女老幼所以呢啲位先要加強立法及罰款去保障消防員恆常人身安全畢竟你唔會知道佢會唔會突然攞刀捅個消防」；更有網民指出「離島著得警號當然有大事趕住去，有點常識都應該知咩事點做」、「呢啲咁嘅人真係生番嚟㗎⋯⋯一啲常識都冇，消防車響得警號聲就一定有事故先會響㗎啦⋯⋯唔通玩咩，條友都白癡嘅⋯⋯簡直冇腦消防員爭分奪秒去救人㗎，你唔好累死人啦離晒大譜」。認為男子缺乏基本常識和公德心。此外，也有人稱讚該名消防員一直零粗口斥責對方，更稱讚他那句「就係你呢啲人搞到香港咁樣」鬧得好。

《消防條例》最高可判監禁6個月

根據《消防條例》第95章規定，任何人在無合理辯解的情況下抗拒、阻撓或阻延消防處人員履行職責，即屬犯罪行為，可處10,000元罰款及監禁6個月。法例清楚訂明消防人員在執行職務時享有優先通行權，任何人不得無理阻撓。事件中男子的行為明顯違反相關法例，不但阻礙消防車執行緊急任務，更拍打政府車輛，可能涉及刑事毀壞罪名。消防處的救援工作向來爭分奪秒，任何延誤都可能造成嚴重後果，影響市民生命安全。