媽媽心聲 | 港媽生仔零自由極後悔:一生做最錯嘅事 用錢如倒水數5大問題

應大仔要求追多個 媽媽心聲生仔無自由

最近，一位港媽在網上討論區以「好後悔生仔」為題，指自己是兩孩媽媽，透露當初誕下大仔之後，應兒子的要求，想要多一個細佬或妹妹才決定生多一個。

但是，當細仔出世後，兩兄弟經常調皮、每日爭吵不停、常常打架、又不聽話，令兩夫妻都非常勞氣。港媽又指在生育兩子後，她舊病復發，湊仔身心俱疲令她身體變差，坦言非常後悔生了兩個兒子：「我覺得生完佢哋，命都短幾10年」。她感嘆生仔後失去人生、毫無自由，而且生小朋友後開支大。

「做乜要生！錢好似倒水咁，又無晒自己人生、無晒自由、無晒自己生活！成副心機畀晒佢哋！你話乖都抵呀！見住佢兩個都覺得煩！唔自律、唔聽教、當父母死！讀書又要理，身體又要擔心。」

港媽形容夫婦如工人斥兒子從不主動幫忙

港媽形容自己和丈夫如同兩個兒子的工人，她指兩名兒子還未到青春期，已經當她「無到」。她對育兒生活大吐苦水，指兩個兒子從來不懂感恩、不自律，「乜嘢都係覺得奉旨」

她憶述：「我細個見到媽媽返工咁辛苦，我就唔敢駁嘴，會自動自覺幫手做家務，希望媽媽唔好咁辛苦。」然而，兩名兒子對她卻從未想過幫忙：「點解可以咁冷漠、可以咁自私，真係心淡。」

港媽自言是個緊張媽媽奉勸女士千祈唔好生

港媽表示，自己是個事事緊張的媽媽，只希望孩子可以「健康快樂成長、長進、為自己前途著想」，平日因為緊張兒子的學業和前途才會與他們起衝突。最後，她更奉勸未生育的女士：「千祈唔好生，我覺得係我一生人做得最錯的事，唔好令自己走入深淵！」

帖文引起網民熱議，有家長表示超有感觸及共鳴，不少人表示認同：「其實佢又真係講得無錯」、「真心，唔好生，一定會後悔」。亦有人認為該港媽不懂教養小孩：「自己唔識教，又冇耐性教，咪後悔囉」、「個細路就你教出嚟，人會不自覺模仿父母行為。」另有人育兒雖然不易，但一家人相處總有快樂時光：「總有快樂的時候，不要忘記呀！」、「苦盡甘來，媽媽加油！」