港媽街頭教仔:唔想好似叔叔咁辛苦就努力讀書 運石油氣叔叔大方53字回應

港媽街頭無禮教仔：唔想咁辛苦就畀心機讀書

任職石油氣運輸工作的網民在facebook群組「大埔人大埔谷」發文，指近日在街上以手推車運送石油氣罐時，遇上一對母子。男童看到石油氣罐感到好奇，向媽媽問道：「呢啲咩嚟㗎？」港媽解釋：「呢啲叫石油氣，好重㗎」。

於是，男童繼續問道「咁叔叔咪好辛苦？」，港媽把握機會當場教仔：「你唔想好似叔叔咁辛苦就要畀心機讀書」。

石油氣叔叔54字大方回應

站在一旁的叔叔聞言未有生氣且大方回應，耐心對男童說：「叔叔就係細個無讀書，大個咗就做運輸，做到運都輸埋。你唔想同叔叔一樣咁辛苦，就要好好讀書，大個咗就唔會咁辛苦，記得做個好人。」事後他於帖文自嘲：「其實送石油氣又有咩好怕喎，生命無希望，前路唔使創」。

網民反應兩極

帖文引來網民討論，樓主大方回應獲得網民讚好。不過，不少人認為港媽行為無禮兼說話難聽：「其實讀唔讀到書，同大個做咩工係無關係，大學生都可以洗碗，唔應該咁教個小朋友」、「缺少同理心同感恩，做人係要心地好」、「職業無分貴賤 呢啲老母真係教壞人」、「咁樣教仔，大個唔識尊重，見高拜見低踩」。

但仍有部分人則認同港媽說話有理：「無錯。唔通讀好書做乞兒咩，錯就唔應該當面指住人講， 無禮」、「係難聽啲囉，但有乜錯」、「事實係你無學識就低人工，無錢生活質素自然低」、「職業無分貴賤就唔會人工有分高低啦」、「無話低級，係辛苦啫」。