超市

超市排隊30分鐘小童狂打招呼 港男屢回應僅1次無理 對方家長斥無禮一招報仇

熱話

廣告

不想子女失禮人前?不少父母從小教小朋友做個有禮的乖孩子。有說「禮多人不怪」,不過,小朋友講禮貌、見人就打招呼,真的就人見人愛嗎?有港男在網上匿名投稿,分享在超市排隊購物時,遇到一個小朋友不斷向他「say hello」,事主起初有善意回應。但後來小朋友持續說了近半小時,事主感到煩擾於是不作理會,怎料卻被男童父親斥責他「無禮貌」,甚至作出報復舉動,令他相當無奈。

疫苗接種最新安排 端午節粽2022優惠大合集

超市排隊30分鐘 男童不斷打招呼

有港男在Facebook專頁「生仔要考牌系列」投稿,表示有日自己到一間超市購物,當日是假期店內人流較多,去到排隊付錢時,要等候超長人龍。剛好有一對父子排在他前面:「咁啱有個要手抱嘅小朋友同家長排我前面,個小朋友同我say hello,我禮貌回應咗hello;跟住隔咗5分鐘後,佢又同我say hello,我又再禮貌講多次hello」。

超市 男童
(圖片來源:TVB《寶寶大過天》劇照,非當事人)

回應多次感厭煩不再理男童

排隊需時,港男指在10分鐘內小朋友不斷向他「say hello」,令他開始覺得厭煩,當下唯有裝作聽不到:「等咗10分鐘都未行到去收銀個位,個小朋友又再同我say hello,我唯有低頭玩手機扮睇唔到,因為真係有啲煩」。

「hello」聲音不斷 大聲回應望停止

面對小朋友不斷講「hello,hello,hello」,港男唯有決定大聲回應最後一次「HELLO,小朋友!」他希望男童家長及周圍的人都聽到他有回應:「雖然禮多人不怪,但不斷重覆講令人覺得真係好煩,所以我講完今次就專心玩手機唔再理佢」。排隊將近30分鐘,男童父母並未開聲制止,小朋友的「hello」聲音依然在他耳邊不斷響起,他只好戴上耳機繼續扮聽不到。

超市 男童
(圖片來源:TVB《寶寶大過天》劇照,非當事人)

慘遭男童家長斥無禮貌

終於輪到港男結帳付款,以為事情告一段落,怎料他在停車場又在碰到這家人。他近乎「落荒而逃」快步走去車位,小朋友其離開,於是將hello改為bye bye。

正當他快手將物品放到車尾箱打算離開,卻聽到男童爸爸指責:「小朋友hello又唔應,講bye bye都唔應,使唔使咁無禮貌啊!?」他感到驚訝及不忿,心想「我當場眼都突埋,心諗應咗你個仔幾多次呀,你個仔成部複讀機咁係咁重覆,唔係個個都要覺得咁樣係可愛㗎,知唔知係好煩㗎啫。」但他選擇繼續忍耐,只想儘快逃離現場,於是沒有斥責對方半句,更沒有理會對方。

超市 男童
(圖片來源:TVB《寶寶大過天》劇照,非當事人)

男童家長用危駕報復 網民一致批評

在駕車離開時,男童爸爸竟然刻意「逆線兜番個圈出嚟」,在港男行使中的車前急停。幸好港男車速較慢,沒有釀成車禍。他認為該名爸爸EQ好低,行為危險而且「小學雞」。他批評:「我只係唔應你仔一次啫,你有無諗過我之前應咗你仔好多次啊!?車住個仔都仲做啲咁嘅嘢,係咪想害死自己個仔?如果你係呢位爸爸,唔該你唔好再咁低B同自我中心,安全第一啊!」

帖文引起不少網民討論,不少人表示同情港男,指男童家長很有問題:「好恐怖的爸爸」、「其實個老豆係咪黐線」、「依家識教嘅唔生,唔識教嘅爭住生」、「車住個仔仲要危駕」。另有人表示曾遇過相同慘況,「Exactly 經歷過同樣情況,所以更加討厭人哋老竇老母」。

資料授權:Facebook專頁「生仔要考牌系列」

男童不斷向港男「say hello」,港男作出咩回應?

排隊需時,港男指在10分鐘內小朋友不斷向他「say hello」,令他開始覺得厭煩,當下唯有…詳情請看

男童家長如何以危險駕駛報復?

港男結帳付款,以為事情告一段落,怎料他在停車場又在碰到這家人。他近乎「落荒而逃」快步走去車位,詳情請看

圖片來源:Facebook專頁「生仔要考牌系列」、TVB《寶寶大過天》劇照