熱氣球嘉年華｜港媽字字珠璣零粗口痛斥爆紅 網民狂讚：無廢話！講哂重點
熱氣球港媽｜單親媽何小姐身份背景曝光 兒子1舉動獲讚：媽媽教仔有方
熱氣球港媽｜入場港媽痛斥主辦方無牌照仍賣飛 「你fulfill唔到所有你宣傳嘅嘢」
有「熱氣球苦主」接受媒體訪問時表示，這名港媽特意為兒子購買600元的門票，一心前來乘坐熱氣球，沒想到一場歡樂的親子活動竟變成一場鬧劇。他到埗後才驚悉，原來政府只批出「展示用途」牌照，熱氣球根本不能載客升空。
港媽氣憤地表示，即使要額外付費乘坐也願意： 「如果我哋係可以上去個熱氣球度坐，然之後個個買六百幾蚊飛入到嚟，就算哪怕係我入咗場，你要我再俾錢坐個氣球，我都覺得好值得。但問題係，你而家係乜嘢都無喎！你fulfill唔到所有你宣傳嘅嘢。」
（圖片來源：Yahoo新聞）最不滿的是主辦方在明知未取得載客牌照的情況下，仍然繼續售票，讓更多市民墮入陷阱：「原來你根本上連個license，你個牌照，你都未有，你就喺度係咁賣飛。我哋等緊三個幾鐘頭，你明知自己冇牌，你仲係咁賣緊飛！」
熱氣球港媽｜藉口多多拒退款 苦主媽媽怒斥：萬里無雲你話天氣唔好？
面對大批鼓譟的市民，主辦方僅派員表示不能退款，著遊人「繼續玩」。該名家長對此安排大感不滿：「佢一定係話冇得退錢，跟住然之後就你繼續嚟玩啦。玩乜嘢呀大佬？我嚟坐氣球呀！」
港媽引述主辦方試圖以網站條款作擋箭牌，指有權更改節目，她激動反駁：「哎呀我嗰個網站度寫到明，我可以更改啲節目㗎。更改乜嘢節目呀大佬？你咁樣你話你放氣球，你放風箏呀？跟住然之後我要俾六百幾蚊睇你放風箏呀？」她更踢爆主辦方曾以天氣不佳為由解釋，令她啼笑皆非：「天氣唔好大佬？陽光普照呀，萬里無雲呀大佬！你唔好玩啦！」最終主辦方才承認是「政府唔批」，而且是在活動開始前很短時間才得悉，但她認為這並不能成為誤導消費者的藉口。
熱氣球港媽｜單親媽何小姐身份背景曝光 兒子1舉動獲讚：媽媽教仔有方
熱氣球港媽｜家長呻金錢事小「蝕晒時間心機」：我就嚟call白車瞓喺度
該名家長強調，事件造成的損失遠超金錢。她為了帶兒子來玩，推掉了其他活動和補習班，更花費了交通成本和時間，這一切都因為主辦方的失誤而付諸流水：「啲細路仔特登唔去學校活動，唔去返補習班特登過嚟，所有嘢都要成本，我搭車過嚟，過個海都要成本啦！」她坦言，即使最終能夠退款，也無法彌補所損失的假期和心力：「就算肯回咗水都好，我哋都蝕咗今日嘅半日假啦！唔係呀，所有嘢係蝕晒呀！時間心機大佬，連我心靈同埋肉體上都好大損失呀而家係！」她本想與孩子共度開心時光，結果卻換來一肚子氣，更勞氣地說：「我同個細路仔嚟玩想開心，我一勁勞氣，但佢血壓去到兩百幾呀佢就嚟！我就嚟call白車瞓喺度㗎啦我！」言詞間盡是無奈與憤怒。
熱氣球何小姐｜單親港媽《東張》哽咽控訴 揭情緒爆發真相 28字開解自閉兒
熱氣球港媽｜網民勁讚港媽有教養：好有道理，字字珠璣，真香港人
影片發佈後，大批網民稱讚港媽講得好好，「句句有Point」，且有教養，「真心勁，咁激動嘅情況下，一句粗口都無漏到出黎」、「重點係一個字粗口都冇，真心respect」、「呢位媽咪講得真係好有道理，激動得嚟又字字珠璣，冇粗口先好嘢！仔仔又體貼，見到媽咪激動之時自動波遞水俾媽咪潤喉可以繼續鬧，全家人應該都係有教養之人，真香港人也！」、「真心佩服呢個媽咪，字字珠璣，句句有Point」、「呢位阿太好正，我成條片睇哂。下次盧覓雪放假，晴朗可以揾佢代班。鬧得太精彩，尤其嗰句，呢度香港嚟!」、「呢位太太好勁….一口氣 。無廢話！講哂重點…鬧得又幾好聽」、「字字鏗鏘 句句有力 流利順暢」、「身處國外嘅我睇到呢個特別有家嘅感覺真係好正！I love 港媽 I love 廣東話！就係冇粗口，先夠霸氣！」、「遇到咁嘅事，雖然我替佢不值，但呢個訪問令我全程笑到合唔埋嘴！姐姐講得太好啦」、「呢個媽咪好型」、「呢個呀媽都好有收養嚇喎 咁好禮貌既，態度又正 ，真係太好脾氣了！」、「呢位女士己(已)經好禮貌 俾著我己經X佢老尾X家產」。
熱氣球何小姐｜主辦方1招打發苦主 港媽何小姐怒轟再爆金句 最後咁做
熱氣球港媽｜網民認同中環熱氣球活動安排欠佳：東張做嘢啦
有網民狠批中環熱氣球節活動安排欠理想，「鬧得好，雖然嘈啲，但個女人冇講錯，佢都真係受害者，主辦單位公關災難其實退錢可能冇事，仲要講啲咁嘅嘢」、「唔批就應該要退錢啦 起碼」、「其實一聴就知伏硬，一個地方咁細連放風箏都要限地方，你估你可以隨時坐熱氣球？就算坐到，可以仲矮個個摩天輪」、「又邊個部門批咖？出嚟交人啦……錢就識收，貨就無交！海關、東張……做野啦！騙局！警方重案都要出嚟開記招。」
