張繼聰

爭《Slam Dunk》擁有權 張繼聰謝安琪甜蜜耍花槍

熱話

廣告

男人的浪漫,又豈止豆腐火腩飯?日本經典作品《Slam Dunk》(男兒當入樽) 亦是不少熱血男兒的童年回憶,櫻木花道、流川楓等主角的身影深深刻在腦中,家中總有全套漫畫珍藏!原來提到《Slam Dunk》,真的是天王天后都冇面俾!說的是 張繼聰 與謝安琪(Kay) 兩夫妻,兩人日前為家中一套珍藏《Slam Dunk》到底誰屬而爭吵不休,最終將事件放到網上公審!

撰文︰Sunday Kiss

老公賺錢 老婆安胎

阿聰在早前大結局的台慶劇《幕後玩家》中表現出色,演技備受讚賞,其實阿聰近年密密參演電視劇及電影,無論搞笑及正經的角色都演得到位,形象非常討好!至於太太阿Kay則留家安胎,準備迎接小公主的出生。不過唔講唔知,原來阿聰及阿Kay兩夫妻都是《Slam Dunk》迷,兩人日前更因為家中一套珍藏而在網上開火!到底發生甚麼事?

《Slam Dunk》到底屬誰?

阿聰日前在FB上載照片,稱自己執拾房間時找到一套對自己成長有莫大影響的《Slam Dunk》珍藏,正當感動之際,竟然「有人」與他爭拗,振振有詞說這套《Slam Dunk》其實是她買的,阿聰聞後不禁指對方猶如一個強盜!而那個「有人」正是阿聰的大肚老婆阿Kay!

其實遷就大肚老婆本沒有問題,反正兩公婆的物件都不需分得這般清楚,但後來阿Kay竟說自己不會再看,所以打算將套漫畫送給別人… 呢個moment阿聰就要爆啦!他留言︰「佢唔明白,到我哋依種年紀,入樽已經唔係用嚟睇,係用嚟供奉….男人嘅青春同熱血係唔可以俾人,Never !!」最後更說︰「套書我Keep硬!」真的是霸氣外露!

阿Kay還擊

阿聰將這事放到網上「公審」,阿Kay當然不甘示弱,在相片留言︰「呢套入樽係我㗎!當年我細本同大本版各一套,擺喺床邊陪我好多年,咪見到入樽就以為係自己嘅,好冇呀!」兩夫妻相愛多年依然恩愛,更像小孩子般因為一套漫畫公然耍花槍,看在別人眼內非常甜蜜,閃死人啦!

全文完