鐵甲奇俠飛行之旅

率先試玩! 迪士尼 鐵甲奇俠飛行之旅

熱話

廣告

各位Marvel英雄迷注意!香港迪士尼樂園全新「 鐵甲奇俠飛行之旅 」將於2017年1月11日正式開幕!遊樂設施設於明日世界內,另外仲有「史達科技展」、「鐵甲奇俠裝備展」同埋漫威主題商品店,小編今日率先入園,帶大家睇定有咩好玩好食同好買先!

 

撰文:Fiona Fong
相片:Fiona Fong

「史達科技展」

最令人期待的,一定就係「 鐵甲奇俠飛行之旅 」啦!未玩之前,先要經過「史達科技展」。大家參觀科技展前,先戴上園區特設的接收器,調至相關頻道,就可以邊行邊聽住導賞職員的講解啦!「史達科技展」設有4個展廳,由展品講述鐵甲奇俠的歷史,展品包括Mark I及Mark III裝甲複製品、Mark V手提箱裝甲等,Iron Man粉絲一定眼前一亮啊!

「鐵甲奇俠飛行之旅」

嚟到「鐵甲奇俠飛行之旅」啦!未入去前,先要戴上史達前瞻智能眼鏡,身高102以下的小朋友就唔夠高玩啦,而7歲以下小童必須由成人陪同。 「鐵甲奇俠飛行之旅」設有5個飛行艙,每個艙可以容納45人,相信大家唔使排好耐隊就有得玩啦!

不過入面唔可以影相,就等小編形容下有幾好玩啦!其實入面就類似一個3D影院,玩法有啲似新加坡環球影城的Transformer遊樂設施,場景以香港為背景,大家坐上科技展特別版鐵甲號Mark VIII,由卓維帶大家於香港上空飛行,途中會遇到驚險場景,好彩最後Ironman會出嚟救我哋!成個旅程歷時4.5分鐘,飛上飛落會有離心力,好緊張刺激!

「鐵甲奇俠裝備展」

另一邊仲有「鐵甲奇俠裝備展」,進入裝備展之前,大家先要進行「安全掃描程序」先可以進入展品區,最驚喜係睇睇下展品,Iron Man會突入,同大家傾偈同合照啊!

「史達科技旗艦店」Marvel商店精品

行完「鐵甲奇俠裝備展」之後,就會去到「史達科技旗艦店」,其實就即係精品店!呢間店除咗Iron Man,仲有其他Marvel英雄,包括Spiderman同Captain Amarica,連奇異博士都有啊!

 

Marvel主題食物