王君馨肚大如籮晒9個月肚皮 挺巨肚做1事惹爭議：不負責任，唔好後悔
燭光晚餐放閃 曬孕肚分享喜悅
上星期是王君馨39歲的生日，她上載咗二人燭光晚餐嘅甜蜜照片，她發文：「今年的生日，在家裡執執屋，準備迎接新小生命，享受最後的二人世界，填飽肚子，簡單開心。謝謝大家的祝福，收到了。」
38歲王君馨挺巨肚宣布BB性別 豪搞產前派對超熱鬧 預產期幾時？
喺最後一張照片中，王君馨更大方掀起上衣，展露光滑九個月孕肚，開心同大家分享即將臨盆嘅喜悅時刻，幸福感溢於言表。
38歲王君馨報喜後首挺巨肚現身 BB性別呼之欲出！？回應「係咪人工受孕」
39歲王君馨著吊帶曬巨肚 臨盆在即周圍走惹熱議
早前王君馨出席孖妹衛蘭同衛詩嘅生日慶祝，雖然佢臨產在即，仍然俾面到場果然夠老友。王君馨雖然已經肚大如籮，但得天獨厚嘅佢更穿上黑色短身吊帶露出肚皮，完全冇走樣。 不過她分享了一段露出臨盆巨肚仔街上周圍走的影片，惹來網民爭議。
網民：係不負責任表現
有部分網民指出會影響腹中胎兒，「個肚乜保護都冇，仲以為好靚，其實係不負責任嘅表現」、「刷存在感流量唔喺咁刷架!!正正經經影下大肚相，年紀唔細等生咪算啦！」、「唔怕整親個肚都驚入風啦下話」、「其實靚唔靚好主觀！先唔好講靚唔靚！我會驚佢冷親個肚多d!媽媽保重身體！bb靠曬妳」、「其實靚唔靚就真係見仁見智慨，不過我個人覺得真係沒必要咁著，始終懷著慨係一個小生命，事事都應該要小心D，沒事慨時候大家都可以開開心心到有時慨時候唔好後悔就ok。」、「唉！新潮不是咁做呀，胎辰要保護，有時小孩子小氣，收臉（斂）吓」。
不過，其實很多人都大讚王君馨挺著孕肚都如此靈活，且在孕期間保養得宜，紛紛稱讚Grace絕對是一位靚媽，「好正啊,好正能量,一個有練習開跳舞嘅人，身體輕盈,王君馨係好靚嘅媽媽」、「幾靚，佢開心就好」、「大左肚都keep得咁好」、「雖然唔建議，但就臨盆都可以行得禁輕鬆都幾叻」、「冇乜所謂，一生人有幾多次大肚的經驗丫可以！要講就乜都有人講，當年我大肚只入著係貼身d的衫，一d都唔露，都有個同事走埋黎話我點解要射個肚臍出嚟啦！佢都痴L線嘅」、「如果我有佢咁靚都可能會咁著」、「唔知係咪因為王君馨跳開舞，儘管腹大便便但見佢幾下轉身動作都好靈活。祝福。」、「我好羨慕呢類媽媽有樣有身材，show下開心下都幾好。人生流流長，經歷咗人生好多重要的事，就會好感恩同珍惜好多嘢，呢個年紀懷孕真係會有非常大感觸，更何況人地夜晚又無咩人流量，都唔明點解會影響到人，見到留言有好多刻薄的說話，包括性別歧視、身形歧視、樣貌歧視等，我覺得呢類人過得好辛苦。」
