男人做家務有益健康 | 中大研究：爸爸多做「粗重家務」減患癌風險

撰文：KM |圖片：thinkstocks、《蠟筆小新》截圖、微博、Instagram

中大研究：爸爸多做「粗重家務」減患癌風險

香港中文大學2013年曾經發表研究，觀察3000名香港65歲以上的男女，發現多參與「粗重家務」，包括吸塵、抹地板、拖地、擦洗窗戶、洗車、搬動家具及搬煤氣罐等工作，有效減低男士患癌風險和死亡率，不過，對於女士則沒有任何明顯影響。

研究認為，「粗重家務」能夠降低男士患癌風險和死亡率的原因應該與運動量有關，研究人員認為「粗重家務」可以提升男士的心肺功能，並增強運動量。

加拿大研究：男人做家務死亡率減半

根據加拿大一項研究亦顯示，男性做「重型」家務可將癌症死亡風險大幅度降低至接近一半約52%，「輕型」家務的癌症死亡風險則減低到72%。但做家務減低風險的功能只限男性。

「重型」家務：吸塵、抹地、拖地、洗窗、洗車、搬傢俬等等.

「輕型」家務：洗碗、手洗衫、熨衫、晾衫、煮飯等等。

男人做家務能死亡率減半的3大原因

1. 運動量增加

做家務其實都係做運動嘅一種，「重型」家務好比上出去做gym。香港男士普遍少運動，透過做家務可以俾自己「運動」下，促進新陳代謝，降低死亡率。

2. 釋放壓力

做家務可以釋放壓力，情況同做運動一樣，專心喺做家務可以減壓。都市人壓力非常大，其實都可以透過做家務減壓㗎！

3. 生活習慣變好

男人放工返屋企如果冇嘢做，通常都會習慣「攤」喺度休息，容易造成懶惰嘅習慣。養成做家務嘅習慣仲可以減少想食煙飲酒嘅慾望，養成好嘅生活習慣。

男人做家務能提升記憶力

家庭主婦嘅記憶力通常都唔會差，最大原因係家庭主婦需要記住好多鎖碎事，男人做家務都有同樣嘅效果，能夠提升記憶力㗎！

爸爸做家務 女兒志向高易做女強人

另有加拿大卑詩大學研究發現，若由爸爸做家務，有助女兒立下更高遠的志向，將來當女強人。研究指當父親負責做家務時，女兒會產生「可以期望男人幫忙做家務，我有更多時間工作」的心理，鼓勵她們立下更高遠志向。