的士司機聞宏福苑失智症伯伯忘記火災對話極心痛 拒收車資邊揸車邊喊
失智症伯伯忘記宏福苑火災 婆婆反覆解釋：燒晒啦住唔到
的士司機在社交平台Threads分享這次經歷，指當時在沙田帝逸酒店門口接客，看見一對老夫婦拄著拐杖慢慢上車，目的地是帝都酒店。車程中伯伯不斷疑惑地問「點解我哋要住帝都酒店？我哋住嗰度宏福苑都冇事！」婆婆只能在旁輕聲安撫，反覆解釋：
「你又唔記得咗啦，我哋住嗰度火燭，燒晒啦住唔到。」
她更提醒伯伯查看手機內的火災照片，無奈地說「你又係咁，燒完之後，你就咩都唔記得晒！聽日再同你覆診啦，好唔好呀？」
殉職消防員何偉豪生忌獲追授榮銜 女友忍淚現身代領 再深情告白十年男友
的士司機堅拒收車資 婆婆感激：多謝你呀後生仔
該名的士司機憶述，婆婆後來又細心提醒伯伯不要投訴酒店食物，「你唔好再投訴啲嘢唔好食，我哋唔係俾錢，啲嘢唔使錢。」伯伯聽後再次困惑地問「我成日投訴咩！咁我哋住到幾時？」婆婆則回答他們可以住到14號，之後會有進一步安排。到達目的地後，婆婆掏出100元準備付車資，但司機立即將錢推回她手上，表示：
「唔洗俾啦，你哋都辛苦啦，留啲現金喺手，以備不時之需。」
經過多番推託後，婆婆最終收回錢並感謝司機「多謝你呀後生仔」。
宏福苑大火｜13戶仍失聯不排除全罹難 消防初步確定起火點 1座火警鐘曾響過
的士司機邊揸車邊喊 擔心老夫婦前路：好擔心又傷心
司機在帖文中強調，他分享這次經歷並非想炫耀自己的善舉，而是對老夫婦一把年紀卻仍要為未來生活徬徨而感到心酸。他慨嘆道：
「14號之後佢哋會點，我都好擔心，同時又好傷心。」
司機透露，「之後即刻上客去大圍，果程車我雙眼不由自主不停留淚」，這段真摯的分享反映出災民面對的實際困境，特別是患有失智症的長者在失去家園後所承受的額外痛苦。司機全文如下：
「的士小插曲
話說早兩日揸的士
去到沙田帝逸酒店
個Bell boy截車
有一對公公婆婆
篤住拐杖慢慢行上車
目的地帝都酒店
途中聽到伯伯同婆婆對話
👨🦳: 點解我哋要住帝都酒店
👵 : 你又唔記得咗啦，我哋住嗰度火燭，燒曬啦，住唔到
👨🦳我哋住嗰度宏福苑都冇事
👵 點會冇事呀！你自己睇嚇你電話，影低曬啲相
你又係咁，燒完之後，你就咩都唔記得曬！
聽日再同你複診啦，好唔好呀”
👨🦳好呀好呀
隔咗一陣
👵你唔好再投訴啲嘢唔好食啊
我哋唔係俾錢，啲嘢唔使錢，所以唔好投訴啦
👨🦳我成日投訴咩！咁我哋住到幾時？
👵我地住到14號呀
👨🦳咁之後住邊呀？
👵之後再有安排啦
跟住就到目的地
我見婆婆拎張$100打算俾錢我
我立即推返佢手上
同佢講唔洗俾啦、你哋都辛苦啦
留D現金喺手、以備不時之需
我哋張$100推來推去，佢終於收返
最後佢哋落車講左句，多謝你呀後生仔
我想講唔係冇收錢，有幾偉大
而係佢已經一把年紀，仲要對未來日子徬徨
14號之後佢哋會點，我都好擔心，同時又好傷心
之後即刻上客去大圍，果程車我雙眼不由自主不停留淚」
遊學團學生訪日本災難遺址 1行為惹當地人不滿：考慮向教育局投訴 校長致歉
網民議論忘記火災是否好事 夫婦女兒現身感激司機
帖文引起大量網民共鳴，不少人留言表達同情「睇完都流淚⋯⋯究竟冇記性係咪一件好事？」、「又睇到喊⋯只要伯伯記得婆婆，咁對佢嚟講唔記得大火未嘗唔係一件好事⋯但辛苦婆婆每次都要再講」；也有網民安慰說「平安無事已經好好，起碼兩個老人家仲可以互相依傍，一切都會變好。」更令人感動的是，老夫婦的女兒也在留言中現身，感謝的事司機：「媽媽有提起你是好有人情味的香港人，多謝你的士哥哥，無言感激。」她透露父親因無家可歸後失智症情況加劇，需要看醫生治療，「無了個家，老豆變失智症更急劇下降，要去睇醫生」。
對此，司機暖心回覆，希望他們一家「加油同保重」，並表示如需要幫助，可以隨時聯絡他，「你哋嚟緊要再搬，要用車，可以約我，等我盡一點綿力。」
東張｜宏泰閣倖存夫婦激動詳述死裡逃生過程 談消防員冒死驚險舉動心有餘悸
