港女生去啟德睇七欖遭5的士司機拒載 第6架被要求落車轉車 網民揭拒載3大真相

這次的不快經歷令她忍無可忍在社交平台發文宣洩，其遭遇引起外界關注，期間有網民透露了多名的士司機拒載的真正原因。

港女生截的士連續5次被拒載 主動帶路亦被拒

該名香港女生在社交平台Threads平台發文表達不滿，形容整個過程「好X躁」。她透露在港島大潭陽明山莊的士站出發，截的士前往啟德體育園主場館觀看香港國際七人欖球賽，可是連續被5名司機拒載，其中3名司機聲稱要交更，令事主質疑「咁你交更就冚旗唔好接客啦，仲喺的士站排乜隊呀？」其餘2名司機則以「唔識路，又話冇Google Maps」為由拒絕載客，當她主動提出帶路時，司機竟反對並表示「話我有機會指示錯誤」。

第6輛的士司機半途要求轉車

事主最終成功登上第6輛的士，但該名司機同樣表示「小姐我都唔係好識路」。當女生指出司機應該懂得看地圖時，對方卻回應「我都做咗咁多年啦，我都就嚟唔揸㗎啦」。
坐在後座的女生強調「啟德體育園主場館」是香港地標之一，「你地揸的士應該要識得去！」，她又建議司機可藉此機會熟悉路線：

「嚟緊香港有好多演唱會同體育盛事都會喺嗰度攪！你真係要識要去一次，你今次車完我去下次咩識囉」

不過，的士司機卻無視她的建議，直接駛往港灣道過海的士站，要求她落車「落車轉車啦，呢度好多九龍的士識得去」。經常搭的士的事主坦然很少對的士司機發脾氣，「但今次真係第一次燥到要咁打長文發洩下!!」

網民拆解的士司機拒載真正原因： 其實佢哋識路

帖文引來大量網民回應，獲很多網民安慰「真係辛苦晒啦，聽到都覺得燥底😤 搭的士去啟德仲要遇到咁多單野，換成邊個都會火滚。司機態度又差又唔識路，真係好影響心情。你已經好克制㗎啦，發洩下好正常，唔使同我客氣。」
期間亦有網民拆解的士司機拒載的真正原因，指他們其實識路，「其實佢哋都識去，唔去的原因係會塞車（場館外圍設計問題），同埋要吉車走」，曾有類似經歷的另一網民則表示「交咩更吖，班友就係驚入咗啟德冇客出返嚟！我試過連續3日坐的士去啟德零售館，結果3個司機都話唔識路，老年咁遠叫我落車。 」另有網民透露「因為每逢主場館有活動，就會封路唔可以行原本嗰條路入嚟，啲人費事搵咪話唔識路」，透露自己曾「搵咗半個鐘」才找到正確路線的經歷。

此外亦有人指出場地設計有問題，「啓德體育園既道路設計好有問題，運輸處班人個腦裝屎 不過揸的士唔識路都係抵鬧」。

部分網民轟的士行業「自己搞死自己」

部分網民批評的士行業「自己搞死自己」，認為司機「遠又唔去近又唔去」的態度正是導致網約車興起的原因，「上咗年紀嗰啲阿叔阿伯又喺度嫌三嫌四 好心佢哋唔好租車啦，返屋企瞓覺啦 喺條街度亂咁揸車，亂咁cut來cut去 真係大地任佢行」，又建議事主搭Uber，「下次你都係call返Uber Taxi或者車隊的士會比較好啲 起碼唔會有唔識路呢個問題 本身都係揸Uber 而家轉咗揸粉紅的士 都非常睇唔過眼呢啲廢佬」

的士拒載可判監禁兼記10分

根據香港法例第374D章《道路交通(公共服務車輛)規例》第37條，的士司機如無合理辯解而拒絕接受租用或駕駛至指定地點，即屬犯罪。首次定罪可處1萬港元罰款及監禁6個月，再次定罪可處2.5萬港元罰款及監禁12個月。此外，根據《的士司機違例記分條例》，拒載行為會被記10分，兩年內累積15分或以上將面臨停牌處分，首次停牌3個月，其後每次6個月。