相隔29年 張繼聰 同囝囝神同步
廣告
日前為囡囡張靖Karina舉行完一場盛大百日宴嘅 張繼聰 ，又有驚喜分享啦！尋晚 張繼聰 上傳咗兩張圖片，分別係自己細個同Alex杜德偉嘅合照同埋囝囝張瞻James近日同Alex嘅合照，相隔接近30年，杜德偉依然咁型！
撰文：Sunday Kiss
圖片：張繼聰Instagram
相隔29年 張繼聰 同囝囝神同步
張繼聰 分享咗一張好有價值嘅照片，而呢一張相入面包涵咗兩張合照，分別係自己喺1988年同Alex杜德偉嘅合照同埋囝囝張瞻James近日同Alex嘅合照，相隔近30年，唔止阿聰同囝囝James一個餅印，而相中主角杜德偉經過歲月嘅洗禮都依然無變過，阿聰仲留言：「1988⋯2017⋯Alex哥哥，點解你可以keep住咁有型？😎🤘🏼」 仲講笑話下次叫Alex抱住佢再影番張先！
張繼聰：我會繼續讓謝安琪成為世上最快樂公主
張繼聰 同謝安琪夫婦日前為細女張靖Karina舉行百日宴，除咗慶祝囡囡出世之外，原來仲係兩人結婚10週年紀念！當日阿聰更加為老婆送上一個小驚喜，直指：「我會繼續讓你成為世上最快樂公主！」一家四口幸福滿滿，兩公婆真係甜到漏啊！
