眼鏡

戴眼鏡被嘲睇電視睇壞眼 女兒大受打擊拒再戴 港媽自責無出聲護女

熱話

廣告

眼鏡 可以令視野更清晰,有戴眼鏡人介意外觀、覺得配戴時不方便、因職業需求,就會轉戴隱形眼鏡,或者做激光矯視。大人就話有得揀,小朋友因安全問題,最好先戴眼鏡。然而一名港媽於社交平台投稿,指其三歲女兒因為戴眼鏡而慘遭途人嘲笑,女兒非常介意,媽媽亦難以釋懷,故發文向網民求助。

撰文:Clara | 資料、圖片授權:「生仔要考牌系列」、SHUTTERSTOCK

女兒天生散光要戴眼鏡

港媽於Facebook page「生仔要考牌系列」投稿,講述女兒被嘲笑的事發經過。媽媽指女兒現在三歲幾,半年前開始被視光師、醫生診斷有遺傳性散光,幸好及早發現病情,媽媽馬上為女兒配眼鏡,以免視力退化、散光度數加深。本來媽媽一直抱住平常心,而且女兒戴眼鏡紮辮亦常常被讚似《IQ博士》的小雲,好可愛,所以從無覺得女兒戴眼鏡會被歧視。直至早幾天,女兒因為身體不舒服,媽媽帶她睇醫生,兩母女即遭遇不愉快事件。

女兒天生散光要戴眼鏡
女兒天生散光要戴眼鏡

女兒被嘲睇電視睇壞眼

媽媽指,當日診所沒有太多人,她女兒為圍住長椅轉圈,很開心地自娛。她旁邊坐著一對老夫婦,帶住目測六、七歲的男童,突然男童指著她女兒笑道:「戴眼鏡好搞笑!」之後男長輩和應:「係喎,妹妹成日睇電視睇壞眼,所以戴眼鏡先睇到嘢。」男童聽到之後大笑,還走近她女兒笑著說:「你成日睇電視,睇唔到嘢⋯⋯哈哈哈⋯⋯你戴眼鏡好好笑⋯⋯」兩個大人聽到,不但沒有教育與制止男童,女長輩仲要講:「睇睇吓又係幾搞笑。」

女兒被嘲睇電視睇壞眼
女兒被嘲睇電視睇壞眼

港媽自責無幫出聲護女

事後媽媽見到女兒很不開心,準備喊,到入到醫生房時繼續扭計、不合作。即使過了幾天,女兒情緒依然激動、性格大變,常常脫下眼鏡,而且拒絕再戴。媽媽見女兒心情陷入低谷,自己都難以釋懷,自責當日沒有幫女兒向那家人解釋苦衷:「我後悔嗰日無企定同嗰家人講清楚,我囡戴眼鏡唔係佢掛住睇電視。如果我有做,我囡會唔會無咁hurt呢?」

港媽自責無幫出聲護女
港媽自責無幫出聲護女

有網民鬧無做好媽媽責任

有網民睇完帖文鬧港媽沒有盡到媽媽責任,令無辜女兒受到傷害:「連個女嘅尊嚴都保護唔到,仲出post嚟取暖咩?damage was done,無下次㗎啦。幫個女擋刀嘅機會miss 咗就係miss咗,我實在講唔出下次要點點點呢啲說話。」

「小朋友被咁樣comment時未必知道可以點回應,如果當時有回應就差好遠。」、「你唔即時幫佢唔單只助長咗口賤嘅人以為出口傷人係無問題,亦都會令囡囡難過同有錯誤觀念。孩子係你嘅,你唔第一時間挺身保護佢,仲有邊個幫佢?」

「遇到呢啲事一定要立即出聲,畀阿女知道佢自己唔係有問題個個,媽媽你要學識保護自己個女!唔好咩都忍咗佢!」

有網民鬧無做好媽媽責任(「生仔要考牌系列」截圖)
有網民鬧無做好媽媽責任(「生仔要考牌系列」截圖)

另有網民安慰及鼓勵

另一邊廂,不少網民紛紛安慰同鼓勵港媽,叫她不用自責:「媽媽都不要咁自責,明白當時未必諗到點樣去處理件事,只是對方無知無好好教育小朋友之過。」亦有很多媽媽留言表示感同身受:「我仔都係天生散光,亦都試過被唔識嘅人話肯定我仔打機多,我即場回應呢啲天生㗎,對家即收口。」

「我個女都有先天隱性內斜視,幼稚園就要帶眼鏡,每次聽到啲陌生人講話係咪睇電視搞到咁,我都一定會解釋清楚,唔可以由得啲陌生人亂噏影響到自己個女!」、「我阿仔細個弱視要長期遮住一隻眼,出街成日有小朋友指住佢,但我會話佢知,其他人唔知道,叫佢唔好放上心!慢慢習慣咗,佢就無再介意人哋點睇。」

網民安慰同鼓勵港媽(「生仔要考牌系列」截圖)
網民安慰同鼓勵港媽(「生仔要考牌系列」截圖)