石天欣

石天欣屢演失身戲心灰離巢曾做迪士尼 嫁到美國做人妻 急返港照顧癌母 媽媽靠MIRROR止痛

熱話

廣告

前TVB藝人石天欣 於2016年與拍拖四年的圈外男友Jacob結婚後淡出娛樂圈,隨老公低調移居美國。不過,近日她突然在Instagram發佈長文,表示急需返港照顧媽媽,皆因她媽媽近日不幸罹患大腸癌四期。

石天欣透露需急返港照顧患癌媽媽

近日石天欣在Instagram發佈長文,透露自己需要即日返港照顧母親Daisy。她表示,母親去年五月吃湯圓後,持續一星期持續肚脹不適,懷疑是消化不良,後因發燒要看西醫。當時家庭醫生有開紙,建議她媽媽要做掃描,吃完三日藥,夜晚再發燒,肚好痛,甚至要坐在梳化上睡覺,她終於勸服媽媽去急症室:「凌晨四點到咗公院急症,當時疫情未嚴重,好彩好快見到醫生,醫生話要入院。七點前,驗小便、照X-ray、抽血五筒,十一點,驗便便、驗痰、再抽血,下午一點準備照C。係香港人都知,公院速度出名『快』。公院普通複診約期照CT,平均都要兩年,但Daisy入院24小時內就安排照CT,我都心知不妙,所以即刻安排回港。」

石天欣
(圖片來源:IG@misstinab)

她指媽媽被確診罹患大腸癌四期,反反覆覆地發高燒,被醫院拒出院,所以留院十日,她以媽媽的例子提醒大家要盡早做檢查:「呢件事嘅發生都好似好不幸,但呢啲嘅不幸都會更加提醒我哋,要珍惜現在 珍惜我哋已經擁有嘅嘢,珍惜眼前人。無論前面條路有幾暗,都要先好好照顧自己,都要繼續探索同努力行落去,人無事先可以做世界冠軍。

我哋一發現已經係大腸癌四期,我諗癌症係好多人心目中,都係無諗過自己會中,就好似愛滋病廣告一樣,心諗自己我食得咁健康,平時又少病,健康飲食習慣,便便一直都靚仔,夠55歲先做篩查啦。

點會咁好彩中到呀,六合彩又唔見我中。我哋都係咁諗,所以我哋一發現已經係第四期,不過醫生都有同我哋講,好多患者都係運動高手、食素、健康生活都患癌。所以千祈唔好諗住自己好似身體健康就咩都唔理,就算係逆境都要記得要快樂。因為有研究都話開心同癌症係有連繫,千萬唔好忽視身體畀我哋嘅自然警號,有健康身體都要定期做身體檢查。」

石天欣
(圖片來源:IG@misstinab)

批公院工廠式經營

石天欣表示,陪媽媽期間在醫院觀察到好多好有趣嘅事:「醫生想做檢查或治療係有quote,明明病人有需要做治療,或者需要進一步檢查。但因為高一級認為,你再做今年無quote,所以就唔批准佢嘅申請,係咁樣嘅體制下,有幾多人得唔到需要嘅檢查或者適合嘅治療?公院就好似工廠式經營,搵唔到病因就去唔到下一步,就算搵到,但因為資源問題又處理唔到。

Daisy住院期間,主診醫生一直都有嘗試尋找主因,安排照大腸鏡同抽針,抽針太危險最終無做到。公立醫院照大腸鏡係唔會有麻醉劑,Daisy隔離床曾經係一個喺公院照完大腸鏡,第二日屙血而入返醫院嘅人。見到咁嘅情況,Daisy就更加驚,幸好喺照大腸鏡之前,代診嘅醫生問Daisy:屋企人畀唔畀得起錢出去做pet scan?一照就知咩事。呢個醫生係拯救咗我哋嘅人。

因為原來出去一照就知道根本發生咩事,Pet scan喺公院聽聞只係得一部所以唔容易安排,所以我哋係退燒後要求出院。自己出去做大腸鏡以及pet scan檢查,喂!醫療體系壞咗呀!驚我睇唔到你面部表情嗰個人你知唔知呀? 」

爆媽媽靠MIRROR止痛

石天欣最後感謝助手、醫護人員,特別感謝MIRROR:「因為佢哋都帶好多歡樂畀Daisy,好記得Daisy入浸會危症室嗰晚,佢個肚痛到好痛,好彩佢哋嘅電視播緊《調教你MIRROR》,佢話睇到佢哋勁過食止痛藥。(幫佢澄清返,佢話佢唔係鍾意MIRROR,但佢幾鍾意睇到佢哋姐)仲有多謝每一位支持我哋美國代購嘅朋友,過去呢一年少咗好多上身圖,我會繼續努力工作服務大家。 」

石天欣
(圖片來源:IG@misstinab)
石天欣
(圖片來源:IG@misstinab)

被封為「TVB御用受害人」

石天欣中五畢業後考入TVB藝員訓練班,2010年成為TVB旗下藝人,首部參演作品是《天天天晴》,出道初期被指跟胡定欣撞樣,後來於《潛行狙擊》、《換樂無窮》、《仁心解碼II》都有不錯的表現。2013年,石天欣在《仁心解碼II》飾演被李家聲強姦的學生妹的戲份受到矚目。後來石天欣被封為「御用受害人」,在《巨輪》和《再戰明天》都接到類似角色,被安排飾演遭強姦或被姦後自殺的角色。

石天欣
(圖片來源:TVB《仁心解碼II》截圖)
石天欣
(圖片來源:TVB《仁心解碼II》截圖)
石天欣
(圖片來源:TVB《仁心解碼II》截圖)

2014年,石天欣在心灰意冷下選擇離巢TVB,轉投星秀堂,《飛虎II》為她的告別作。離開TVB後,她曾在迪士尼樂園當兼職,工作了約10個月。。

石天欣
(圖片來源:IG@misstinab)

婚後隨丈夫移居美國

2016年,石天欣與在美國任職的男友結婚,婚後隨丈夫移居美國。她不時在個人YouTube頻道「石破天欣」拍片分享生活日常。此外,她還開設了網店專做美國代購,其IG網店擁有4.6萬追蹤者。

石天欣
(圖片來源:IG@misstinab)
石天欣
(圖片來源:IG@misstinab)

圖片來源:IG@misstinab、TVB《仁心解碼II》截圖