結婚擺酒竟有老鼠曱甴通處走經理對新人嬉皮笑臉提議「超Cheap」賠償

Oct 18 2023

每個人都渴望有個完美婚禮，也好讓親朋戚友共同見證這份喜悅，日前TVB節目《東張西望》接到一對新婚夫婦報料，指早前在上水一間酒樓辦喜酒，當日場內出現大量「不速之客」探訪，令在場賓客驚恐狂呼。一對新人立即與經理投訴，對方居然嬉皮笑臉地回應，更用非常cheap的方法安撫他們，毫不專業！而事後節目組到現場向酒樓經理查詢事件，對方卻來個180度大反轉，更指自己按足公司規矩做事！

東張西望上水一酒樓被指成為老鼠樂園 — 上水一酒樓被指成為老鼠樂園（圖片來源：TVB《東張西望》）

東張西望｜新人擺酒竟有老鼠曱甴通場走　連碟伊麵入邊都有

新娘於訪問中表示自己剛於上水一酒樓擺酒結婚，但當晚竟連環出現不幸事件。她指婚宴開始不久，已有一隻巨型肥老鼠走到台上，行走速度非常快，現場客人都嚇到尖叫。不過離譜的事件陸續有來，新娘指當晚除了老鼠外，還有大量曱甴通處走，「飯枱邊、牆上四圍都有，全部都係細細隻咁爬，而最離譜係開咗席，連碟伊麵入邊都有，要在場唔怕嘅人用杯焗住佢」。

東張西望新娘指自己擺酒當日，場內有老鼠通處走 — 新娘指自己擺酒當日，場內有老鼠通處走（圖片來源：TVB《東張西望》）

新娘嬲到向經理投訴　經理：佢哋同你贈慶呀

衛生環境極惡劣，新娘忍無可忍向在場經理投訴，指衛生情況不能接受，誰知對方竟笑笑口稱：「今日係你大喜日子，佢哋都出嚟同你贈慶呀」，隨後即提出一「大方」的處理方法，「佢話咁樣啦，每罐飲品減$2畀你」，新娘當刻認為實在太過份，一口拒絕賠償，於是對方就一直默言，直到警方到場，警方則叫新娘報食環署。

東張西望在場唔怕嘅人用杯焗住佢 — 在場唔怕嘅人用杯焗住佢（圖片來源：TVB《東張西望》）

食環署稱大致無問題　副經理：做咗咁耐酒樓我哋專業㗎嘛

節目組隨後到酒樓現場查詢，恰巧遇上食環署巡查，在場副經理向主持人表示「食環署睇完都話大致無咩問題，咁啱當晚係咁啫，當晚酒水我哋都酌情處理，飲品都收少咗佢$1,000㗎」。至於主持問到有否講過「佢哋嚟同你贈慶」的說話時，對方則連番否認，指「無，無，無，我哋無講過，做咗咁耐酒樓我哋專業㗎嘛，以後會留意多D囉」。

東張西望副經理指自己非常專業 — 副經理指自己非常專業（圖片來源：TVB《東張西望》）

網民：一對新人都有問題喎

網民看到訪問後，表示現場好嘔心，指「人哋唔知真係以為攞咗你便宜呀，人哋比足曬錢一蚊都無比少，專業你就唔會講出老鼠小強出嚟贈慶嘅說話啦，新娘進出又出嚟滾枱板，菜又上錯曬次序，比個用過嘅紅酒杯人話係乾淨」、「報食環要佢執啦，差到唔係招呼得人嘅食肆」、「未見過咁Cheap，真係離譜」。不過亦有人指「去得呢區都知咩料，唔會預佢好得去邊」，更指一對新人本身都好有問題。網民認為酒樓後方已是天光墟，出名是老鼠樂園，「去得都預咗會咁，一對新人都有問題，結婚前一定要去試菜，唔會個日唔出嚟，而家先出嚟㗎。真係經濟有問題咪擺小d或者唔好擺，我覺得個晚嘅客人好慘，我好驚小強。我會好大心理陰影」。