張繼聰

結婚10年 張繼聰 公開向謝安琪示愛晒幸福

熱話

廣告

真係老土啲都要講句,人生有幾多個十年啊!又有邊個可以保證結婚十年都依然恩愛如昔呢? 張繼聰 同謝安琪這一對,由最初並不看好,男方更被取笑為「廢柴老公」,到今時今日,成為大部分人心目中的模範夫妻!10年來,無話值唔值得,無話邊個配唔起邊個,只要大家相依相伴,一起走過呢10年高低起跌,咁就夠啦!

 

撰文:Fiona Fong
相片:張繼聰FB、謝安琪FB、新傳媒資料室

今日喺 張繼聰 同謝安琪結婚10周年,一搭正凌晨12點,阿聰就出PO感謝老婆10年的陪伴!佢貼上同老婆10年前的結婚相,寫到:「感謝你成為我的妻子及最好的朋友。晃眼十年,因為有你同行, 就算走過高山低谷,我都覺得沿途風光明媚。能夠有如此靈魂伴侶,讓這趟地球之旅變得幸福完滿💋 放心,我會繼續係我地嘅婚姻生活裏面攪笑,令你繼續成為快樂的太太,Happy 10th anniversary, I love you honey

 

 

真係見到都冧啊!張繼聰同Kay不嬲都唔介意喺FB放閃,所以一見到老公出PO,Kay立即貼過另一張婚照,仲鬼馬秒回老公:「會不會呢張靚啲呢?」睇嚟Kay覺得老公放嗰張結婚相影得自己太包包面,要來個隔空投訴之餘,順便再晒恩愛!網友們都紛紛對Kay的留言讚好!仲話:男人揀相永遠揀咗最醜嘅!哈哈!

 

見到佢哋咁閃,網友們都紛紛送上祝福!

Cyrus Yin:充滿回憶的一張

👏 十年裡走過崎嶇的路,身邊的扶持是很重要的,這才是經得起考驗的愛情👍🏻

👍🏻 一家四口都要永遠幸福快樂🙏🏻

Yan Chai:祝你地十週年快樂,還有20…30..40….50年,百年好合,永結同心。

Dikko Fong 相處是一門大學問,能夠走在一起十年,現代社會已經不簡單,祝白頭到老。

Fung Monnie:張繼聰啊!老婆幫你生2個小朋友,要冒住生命危險,又要經歷10級痛㗎!你要錫住老婆啊!我哋繼續日日睇住你哋不停放閃!

佢哋嘅放閃對話又點會得咁少啊!上星期 張繼聰 37歲生日,上載咗一個自製MV《OK》,之後仲大晒全家福!Kay其後轉載MV,寫到:「謝謝你這一句"I’m OK”,在我的角度看你,這一句OK,並不是簡簡單單的OK ,是你把一切最不OK的,都自己硬啃KO了,讓我每天可以過得很開心很OK謝謝你

❤祝你生日快樂🎀」

早前播出的《幕後玩家》,阿聰飾演的Tim少一角大受歡迎,他上載了一張同劇中飾演Maple的鄧佩儀,其中有情人終成眷屬的一幕,Kay睇到之後,立即「醋意大發」,寫到:你追我追得咁辛苦,見今時今日有女仔追返你,真係鄧你開心!佢哋真係放閃無極限啊!

 

 

呢一張大家都唔會陌生啦!當日阿聰PO咗張同Kay嘅合照之後,其中一位粉絲竟然留言話Kay個樣太假,愛妻心切的張繼聰就立即反擊,覺得太太是真・漂亮,仲要求對話,Man爆!


你又點睇?

更多精選內容