李成昌初入行原來勁有型 1原因堅持做TVB 捐骨髓給癌姊 供女赴英留學

原文列於：More

李成昌《美麗戰場》飾威爺眼神令人不寒而慄

《美麗戰場》中，威爺一直與鍾家琪勾結﹐是互惠互利的關係。為了幫助鍾家琪在《2006年香港小姐競選》中勝出，收買電視台監製Cat姐（樊亦敏飾演 ），指使她於競選中暗中協助鍾家琪，害鍾家寶，藉此威脅其，以隱瞞其老公欠下的債務。不少網民大讚李成昌的眼神令人恐懼，經常笑臉迎人，但出手很狠，完全掌握到江湖人物的特徵，好戲過不少一線小生。

李成昌拒返政府工 不理家人意見決心入行

李成昌於香港演藝人協會專訪時就曾大爆入行心路歷程，指自己自小便充滿表演慾，卻被家人灌輸尋找穩定工作的價值觀：「老竇本身好想我入銀行或政府工呢啲鐵飯碗，但我本身好有表演慾，私下去考香港話劇團（前身為業餘話劇社）但衰咗，做咗銀行一年幾見到TVB開藝員訓練班，瞞住佢哋考完一關又一關，最後1978年加入TVB第8期藝員訓練班。」

不過當時李成昌的爸爸剛剛接受完手術，即使獲取錄的李成昌都並不敢驚動長輩，最終亦都照向爸爸分享，竟然得到家人支持，正式展開演藝旅程。

曾為姐姐捐骨髓 拒絕3次挖角機會留TVB

李成昌入行已經43年，入行期間他的姐姐患上淋巴癌，為救姐姐，主動捐骨髓給她，但很遺憾，姐姐仍是離開人世，可能這經歷令他更勤奮工作儲錢，為家人生活提供一份保障。

曾經他有三次跳槽機會，例如香港電視等等，但為了「做生不如做熟」便留在TVB。不過留在同一地方這麼久的他亦坦言希望來年計劃有些改變：「我時常想接受挑戰，如果公司同我簽約，希望靈活一點，可以返大陸見識，因為未返過，除咗拍公司劇，到過橫店三四次，自己到北京拍劇兩次，做演員咁多年，要體驗一吓內地製作，呢世人無理由唔上去闖吓、見識吓，大陸最主要價錢、待遇吸引，有啲跟荷李活制，坐商務客機，有保母、專車，不過工作時間唔短，一天12或14小時。」相信未來便會在不同內地作品都可以看見李成昌的身影。

老來得女 為供女到英國讀心理學努力賺錢

年輕時李成昌和太太享受二人世界，但當他考慮到：「萬一我有咩 冬瓜豆腐，邊個陪我老婆呢？」，便在45歲時與太太商量，及後成為人父。囡囡出世後，他為了女兒可以有更好的學習環境，便供女兒到英國讀心理學，更堅持不能夠「賣、當、借」：「如果畀個女知道我哋咁，佢會唔開心，我哋計過自己儲蓄同投資，估計公司同我簽約到幾時，可以支付，先做呢個決定。我帶女兒嚟呢個世界，畀佢去追尋自己想要嘅事，她媽媽以前都係留學生，我個女都有呢個性格，14歲半自己一個人去入學，我同太太都無陪佢。」女兒的來臨亦都令他感到快樂：「佢呢一世嚟到呢度遇到我，我都要令到我個女開開心心！」

不太想北上全因掛住老婆

不過顧及自己事業發展之餘，李成昌亦都把家人放在自己的考慮當中：「唔想長時間離開屋企，即使拍公司劇北上一個月，我都心掛掛，女兒喺外國讀書，只得太太一個女人仔，有時電器失靈，總之就擔心。我老婆仲有幾年就退休，佢答應我，如果我上去，佢或許提早退休，陪我一起上去。」可見就算「搵真銀」之餘李成昌都十分照顧老婆。