周永恒

分居期滿! 趙頌茹唔使 周永恒 俾贍養費

熱話

廣告

趙頌茹 (Yu)2014年決定同 周永恒 分居,至今原來已經分居期滿,家事法庭原於周一宣判二人離婚,不過周永恒拒絕上庭。Yu透過律師表示,無要求周永恒俾贍養費。不過Yu係單親媽媽,要獨力照顧2個女,能力亦有限,經濟亦有壓力,但係佢都話自己已經照顧小朋友咁耐,唔擔心得咁多!

 

 

為兩囡慳到盡

自從周永恒同Yu分居候,周永恒感情生活豐富,但係Yu就稍微辛苦啦,為咗慳錢湊大兩個囡,連離婚都冇請律師。報道又話佢要大屋搬細屋,為咗慳錢,連工人都無請。

唔要求周永恒畀贍養費

由於一直同前夫溝通唔到,離婚一事只好交俾家事法庭處理。被問及贍養費方面的安排,Yu回應指冇要求佢畀贍養費,一直靠自己勤力啲努力啲搵錢,然後好好養大一對女兒。尋日,Yu喺FB上載咗幾張正能量的相片,仲Hashtag #女人要靠自己 !睇嚟阿Yu已經對前夫死心!

2年來無傾過生活費和撫養權

報導指,其實兩年多以來,家事法庭多次發出信件,周永恒都沒上庭,亦沒回應,一直拖住阿Yu唔離婚,亦唔傾子女生活費和撫養權。

孝順新抱

雖然兩人已分開,但阿Yu認為老人家不能不見孫女,所以都有帶嫲嫲見啲孫女。十分抵讚!

 

佢哋仍然有爸爸

阿Yu曾在去年接受《Sundaykiss》時指,作出離婚的決定是經過長久以來的掙扎,害怕改變,害怕一個人搞不定,更擔心小朋友的成長有所缺陷,故此指自己作出決定前已考慮良久。但想到若然婚姻繼續下去的話,反而對小朋友的成長有較壞影響。一切風波過後,阿Yu有向女兒坦白一切,雖然女兒只有幾歲人仔,但也大概明白了家中發生甚麼事情,最難得是因此更增進了三母女的感情。「我每次都好坦白同佢哋講解,坦白嘅意思唔係將事情最差嘅一面話佢哋知,而係有限度、佢哋認知範圍上面,去讓佢哋明白到父母雖然分開居住,佢哋仍然有爸爸。」

所有媽咪都是辛苦的

擔當單親媽媽不容易,阿Yu覺得不論單親與否,所有媽咪都是辛苦的。「係咪單親都係一樣咁照顧小朋友,本身我都係自己一手一腳去湊大小朋友,其實任何父母都有辛苦嘅一面,如果你要諗得好辛苦,咁好多嘢都可以好辛苦。只不過我經歷得更多,學識更多嘢,我都覺得自己有成長。」

希望女兒喺一個開心嘅環境生活

阿Yu話:「我希望佢哋喺一個開心嘅環境生活,每一刻都敢同我傾訴心聲,但過往我係睇唔到,佢哋好驚同我講,驚我唔開心。」阿Yu當時表示自己對同小朋友的關係有信心,「睇到佢哋(女兒)好信任我,每一日都充滿安全感。」