苟芸慧

苟芸慧 生病後經歷低潮 點名感謝圈中人幫忙

熱話

廣告

苟芸慧 甫出道瞬即走紅,兩年前卻因甲狀腺出現問題身形暴脹,連帶工作量大減,休息期間, 苟芸慧 回加拿大陪家人,不過有失必有得,她說:「因為我病嘅呢段時間發覺邊啲嘢係為之緊要。」

撰文:東方新地
編輯:Fiona Fong
相片:新傳媒資料室

兩次經歷生死

入行後, 苟芸慧 曾兩次在死亡邊緣擦身而過。上年7月,她參加賽車明星賽,架車突然失控自炒,仲打咗幾個筋斗!「我反咗五個圈,嗰刻得五秒,我都未識反應,不過都唔係第一次經歷生死。第一次係喺橫店拍《 金枝慾孽 》,天氣好凍,又病,自己喺酒店房,點知哮喘,嘗試咗好耐都開唔到氣管,我直情諗到鄧麗君,佢都係自己喺酒店哮喘就咁走咗,所以我係好驚,見到好多畫面喺個腦flashback,好彩最後一分鐘我冇事抖番氣,如果唔係你哋都見唔到我㗎嘞!」

請留意夢想車華❤️🙈😝😉

Christine Kuo 苟芸慧(@joyfulck)張貼的相片 於 張貼

 

唔肯上磅 幫助病情

回 復Fit爆身材,原來同心情有關!「高峰期我一路唔肯磅,唔係逃避,其實係幫助自己個病,我有甲狀腺問題,其實同情緒好有關係,如果我日日磅住,猛問瘦咗 未?無形俾自己壓力,根本幫唔到個病,仲害咗自己,反而我喺賽車場出事,我做咗個決定去改,開始約呢兩年裏面冇 放棄我、冇因為我工作上唔係咁順利就離開我嘅真心朋 友,出嚟見面講多謝,我發覺開心咗好多,嗰一個月裏面正 常食嘢、冇咩做運動情況下,竟然抽血正常、指數靚晒,以 前我係唔夠膽食嘢,時不時都去七日斷食營,唔食嘢排 毒,都唔見我瘦,反而正常食嘢,約人開心就瘦,所以健康 心態影響係好大。」

感謝黎瑞恩、林漪琪幫助

休息期間,苟芸慧感謝黎瑞恩同林漪琪的幫忙。「有日喺 salon 撞到小恩子,佢捉住我問我:『我喺報紙睇到你水腫,腫得好犀利,我有啲機器係可以幫助你去水腫,你要唔要?』嗰刻我都唔知佢係邊個,因為我喺加 拿大好少睇電視,我問我髮型師,邊個嚟㗎?髮型師話係前輩,我同小恩子 講:『前輩,唔好嘞!我唔係好識你,我唔想爭人人情。」點知下次我去 salon 整頭,佢已經留咗部機俾我,係好貴嘅機器,我覺得一個唔識嘅人,咁對我,令我好感動。跟住漪琪姐喺公司見到我,同我講:『你唔得喎,我帶你睇醫生。』捉住我去睇醫生,佢哋真係用行動 prove 俾我知,佢哋係關心我,而唔係講完就走,對我嚟講係有分別嘅,個緣份就係咁開始。」

諗過離開娛樂圈

「我真係爭啲走咗,因為我覺得人生嘅快樂對我嚟講,其實好簡單,唔需要食好貴嘅餐廳,食飯最緊要都係睇你同邊個食之嘛,我係好注重屋企,有少少黐屋企,我爹哋都好知道我係咁,所以佢夾硬都要推我出去,佢覺得只要 cross 咗嗰個位,就會做到件事,變成另一種人。但你因為黐家,唔出去,佢覺得嘥咗。我appreciate嘅,始終爸爸媽咪嘅出發點永遠都係愛錫子女、都係為咗我好,的確呢 幾年我學咗好多嘢,但其實我都係想要簡單嘅生活,人一世好快過咋嘛,我係想同 屋企人喺埋一齊,爹哋媽咪年紀都大,都希望可以照顧吓佢哋,都同爹哋媽咪溝通 緊,我希望 somehow 可以多啲聚,唔好一年幾先一次,我想走係覺得我人生喺嗰度( 加拿大 )開心,第二,睇到爹哋媽咪,第三就係都要去搵人生嘅另外一半,要開始 識人,冇可能乜都冇㗎嘛!」

苟芸慧一直都好想組織家庭,IG都有好多同小朋友的合照,其中也有同鍾嘉欣囡囡的合照。

 
I love my Linda girl @chungkayanlinda and Kelly baby/毛毛球 ❤️ Let’s welcome 2017 !!!🎈
 
Christine Kuo 苟芸慧(@joyfulck)張貼的相片 於 張貼

苟芸慧弟弟早前添丁,苟姑娘榮升姑姐!

我是姑姑❤️怎麼可以這麼可愛😍😍😍 #可愛寶寶 #我是姑姑 Christine Kuo 苟芸慧(@joyfulck)張貼的相片 於 張貼