移民英國 10項值得帶的家庭生活用品

Jul 16 2020

唔少香港人考慮或已決定移民英國？之前都分享過英國乜嘢都貴，最好係香港帶過嚟。其實哩個年代嘅英國已經算係好方便，乜都有得買。冇嘅，上網都搵到！英國有樣優勝而香港冇嘅係Amazon。我覺得係上面搵一啲家品都好靚同好優惠。另外，大部分家電，例如電視，英國買都唔貴，仲要有保養！但如果話點都係香港ship個container到英國，咁有啲咩值得帶呢？以下嘅都值得諗諗：

撰文、圖片：港媽 • 講英

1. 電飯煲

香港多好多款式揀！

2. 退熱貼

英國真係冇，而有小朋友嘅家長就明哩樣野有幾重要！

3. 暖包

初到英國，第一個冬天真係會覺得好漫長。貼吓暖包感覺會好啲！

4. 電腦用品，例printer，monitor

香港多款揀好多，同埋價錢優惠啲。你估黃金同灣仔電腦廣場流㗎咩！

5. 日台韓用品

同係香港買來佬貨一樣，越洋就會貴。所以如果有咩心愛嘅日台韓用品，要買定啊！相反，英國買港媽心愛嘅北歐貨就便宜多，遲啲分享吓我會買嘅nordic online shop （ikea以外）

6. 中文書

唔想中文退步就要睇多啲中文書。本人當年都係書展抬哂成套金庸過嚟英國！

英國乜嘢貴

英國好多野都好平，但其實英國都有好多貴到離晒譜：

7. 乾電池

特別如果你有小朋友，而小朋友嘅每件玩具都要入電芯，真係買到窮。上次小暖男有個賽車玩具，要入3舊C型電池。超市竟賣£8得嗰6舊，仲要已經特價咗。所以大家可以買定rechargable嘅電池，或adapter俾D非AA型電池。

8. 面紙

係英國你會發現香港嘅tempo好抵。係X佳買都係$3x有4盒。係英國只買到大概2盒。細細包出街用都唔平！如果嚟英國旅行就帶多幾包，過嚟長住就可以考慮去whole sale market 例如Costco買。遲D再講有關Costco。

9. 眼鏡

仲要係又貴又唔靚，閒閒地£69起跳。最好係香港配多副眼鏡先嚟，做Spare都好。另外，有個小建議。事原英國太陽可以好低，如果揸車係會好燦眼。可以考慮配副有度數嘅太陽眼鏡放係車到。

10. 真空煲-因為煤氣費貴

多數係英國都係係屋企煮野食。如果屋企嘅煮食爐係煤氣，咁你煲湯或燘牛腩就可以好貴。可以考慮投資落個slow cooker或真空煲，因為真係可以慳唔少！

考慮移民中？其實想講哩個話題好耐。宜家香港政治環境同埋近日嘅BNO事件，令好多人好認真咁考慮移民，特別係移民英國。移民從來都係一件很個人嘅事。你覺得放棄香港某D野而獲得新地方嘅野係好值得，但有啲人會覺得咁樣係好儍豬豬。唔緊要，哩啲叫唔同意見，唔同睇法唔同經歷。但如果係純粹想逃離香港某啲野而不顧一切咁走走走，咁我建議再諗多啲先。Afterall，移民is not for everyone。

1. 移民唔代表一天都光晒

逃離咗原本嘅某啲野，但可能新地方遇到更多更愁嘅問題，之後就抱怨抱怨點解點解。傻豬，外國嘅月光唔係特別圓，每個國家都有自己嘅問題。移民之路要成功，就要忠於自己移民嘅初衷，積極努力面對困難。

2. 唔好將「香港」帶過嚟

跟住就帶落哩個話題。記住，移民係去一個全新嘅地方生活。佢嘅地理環境文化氣候人民語言交通食物住屋工作娛樂係完全唔同。所以如果你期望香港嘅便利生活係英國可以繼續，咁你將會幾失望。

3. 有啲長遠嘅計劃

特別係作為人母嘅女士。英國冇工人姐姐，4大長老亦不在身邊，照顧小朋友打理家頭細務就好似好理所當然咁落咗係我哋哩班亞太身上，啲老公就出哂去返工／揾工（當然有例外）。3-4個月後，過咗移民新鮮感，哩個情況會好sink in。話晒都曾經係日日踩住對Rupert Sanderson孭住個Chanel入會議室橫掃千軍（唔係指自己），宜家卻日日做以前工人姐姐做嘅野，真係可以好悶。心目中有個goal，例如計劃小朋友返full day學就搵噃野做，或者pursue吓自己原有嘅興趣。因為，英國真係可以好悶，好凍好濕同好暗。如果冇一啲goal去努力吓，真係好容易會抑鬱。