莊思敏母親江玉珠靈堂一片花海 拍片悼念亡母 1細節被網民鬧爆掀兩極：好心啦
莊思敏與細10歲老公無簽字 原因曝光 峇里島低調出嫁榮升警嫂
莊思敏發文交代思母心情
面對討論，莊思敏透過社交平台悼念母親，感謝對方多年來給予照顧、教導、幫助及陪伴，並表示會把共同回憶與生活習慣帶進往後人生。作為家中長女，她亦向母親寫道：「你接落嚟嘅路，要好好放低所有嘅牽挂同擔心，將家呢個包袱交俾我哋。」莊思敏悼念亡母江玉珠全文如下：
「媽咪，你以前經常話關關難過關關過，有咩事最緊要一家人喺埋一齊。冇人會比我哋更清楚，你為咗呢個家承受同付出咗好多好多。呢份對家嘅堅持，你到人生最後一刻都冇放棄過。我哋好幸運，能夠有你一位咁堅強嘅媽媽。
雖然由細到大你經常鬧我哋，但熟悉你嘅人都知你係口硬心軟，我哋都知，有阿媽，唔使驚。無論嘴上點講，你個心都會為我哋着想，永遠俾我哋依靠。
而我哋都完美繼承咗你啲一點，好多嘢我哋都淨係擺喺心入面冇講到出口。今日我哋好想俾你知，媽咪，呢咁多年嚟，令你操心操勞，辛苦晒！好多謝你做咗咁耐我哋嘅靠山，一直支持同保護我吔，如果冇你，就唔會有今時今日嘅我哋！
媽咪，你放心，而家我哋都學識你嘅堅強，會好好照顧自己，唔好再咁擔心啦。
好感恩喺我哋成長嘅路有你照顧，教導，幫助，陪伴。而你鐘意嘅食物，經常去嘅舖頭餐廳，鐘意唱嘅歌，你嘅笑容，你種種生活習慣同回憶將住陪住我哋之後嘅人生。
能夠成為你嘅仔女，係我哋嘅福氣。你接落嚟嘅路，要好好放低所有嘅牽挂同擔心，將家呢個包袱交俾我哋。媽咪，好好上路，爹D同祖先會陪住你去極樂世界。我哋永遠都會記得你，愛你。
#iloveumom #iloveudad」
莊思敏1星期嫁2個妹 雙胞胎妹妹準人妻莊思華背景曝光 接手家族生意好叻女
三機位記錄靈堂悼念亡母過程
9月2日晚上，莊思敏公開靈堂弔唁影片悼念亡母，不過使用3機位拍攝及剪輯手法惹來質疑。短片由靈堂入口開始拍攝，鏡頭帶出場內花牌及心形花海，再從不同角度記錄莊思敏身穿黑色西裝、神情嚴肅地走向母親遺像。她其後雙手合十鞠躬，並站在大堂中央瞻仰，片段同時加入父母昔日合照。莊嚴畫面配上完整運鏡與後期剪輯，卻令部分網民認為安排太刻意，質疑在靈堂內跟拍是否恰當。
莊思敏8字解釋婚宴講錯誓詞 楊明莊思明搞笑公開回覆大家姐莊思敏
網民質疑大龍鳳拍片呃流量 有人支持莊思敏做法
影片公開後迅速引發兩極反應，批評者認為多角度拍攝削弱喪禮本應有的私密感，留言直指d莊思敏「死左老母都拍片 痴線」、「你送殯都要咁樣大龍鳳拍片，好心啦」「呃流量」、「流量密碼」、「靈堂拜祭都要擺上網」；不過有心水清網民完全理解莊思敏做法，「你識條鐵咩井底蛙，呢啲叫對仙人嘅尊重，可以留俾日後世世代代嘅賢孫知道，做人有幾咁出色！做人有幾咁成功！最重要係呢份孝心同掛念吖！可以無時無刻攞返出嚟睇！」
爭議升溫有更多網民留言讓莊思敏節哀順變，認為每個人處理傷痛的方法不同，拍片保存與至親最後告別的記憶並無不可，呼籲外界給予體諒。
楊明莊思明盛大婚禮現場曝光 新娘公開已故父親AI片 解心結落淚 胞姊莊思敏講錯嘢極爆笑
三姊妹母親江玉珠背景 31歲成拿督夫人
莊思敏、莊思明、莊思華三姊妹的母親江玉珠，擁有備受矚目的演藝背景與富裕家世。她早年曾為香港麗的電視（RTV）的花旦及藝人，其胞弟則是知名導演江道海，可說出身於演藝氣息濃厚的家庭。1979年，正值青春貌美的江玉珠選擇嫁給馬來西亞富商、日後獲封「拿督」的莊寶，婚後她全面淡出幕前並移居大馬，專心相夫教子，孕育了三女一子。在性格方面，江玉珠作風低調、溫婉賢淑，即便晚年面對病痛與丈夫離世，依然保持堅韌優雅的態度，深受親友敬重與稱道。
楊明感激莊思明做2事助走低谷 新人致詞超感人 馬蹄露搶花球惹熱議 姪仔爆一早嫁咗！？
楊明莊思明結婚｜莊思明頂級裙褂滿身金器出嫁 敬茶感觸落淚 首爆最期待子女組合
