開刀

葉翠翠 決定 開刀 生B

熱話

廣告

2005年港姐冠軍 葉翠翠 在11月初宣布與建築師老公周曉東造人成功,現懷孕五個月。身為準媽媽的翠翠決定停工安胎,早前《Sunday Kiss》就同翠翠做咗嗰Facebook live(直播重溫),分享懷孕心得!

 

 

撰文:Sunday Kiss
圖片:葉翠翠Facebook,微博

選擇開刀生B

1 現時懷孕幾多個月?預產期係幾時?

答:現時懷孕差不多五個月,預產期大約是出年5月。我會選擇 開刀 ,雖然身邊好多朋友都揀順產,但我怕推入手術室之後要掙扎十幾個鐘都不可以順產,最後都要 開刀 。所以我就好驚,都是決定要 開刀 。

開刀 對BB無咩壞處

2 大多數孕婦都覺得順產對媽媽和BB比較好,為何選擇 開刀 ?

答: 其實開刀對BB嘅壞處,我覺得唔太有。除咗因為開刀嘅時候,將BB取出,身體唔知道媽媽已經完成咗成嗰生育過程,會令製造人奶慢左,要去催谷先會有奶。我 都有問過中西醫嘅意見,大家都指除咗會留疤痕同埋復原時間較長之外,都冇其他影響。而且我對產後療程有晒計劃,頭一個星期只可以飲炒米茶,任何嘢都唔可以 食,例如薑、紅棗等行氣活血嘅食物都唔好食。去到第二至三個星期,就可以食黨參。直至第三個星期先可以食薑醋,之後就再按個人體質進補。而喺人奶方面,都 會飲章魚湯或者木瓜湯,作催谷人奶之用。我對復原過程都有信心,因為我都有飲雞汁,自己燉嘅,一路都有調養緊自己嘅身體,所以都唔會太擔心身體嘅康復程 度。

翠翠仲提醒大家,盡量唔好喺懷孕期間食木瓜,因為木瓜有一種收縮子宮嘅酵素,一般成年人食就唔會有任何影響,但懷孕時就盡量少食。

翠翠陀B辛苦 慶幸無嘔

3 陀得辛唔辛苦?有無嘔?

答:開頭幾個月覺得好辛苦,不過無嘔,辛苦係瞓醒之後覺得好攰好暈,而且對氣味好敏感,就算煲湯嘅湯味都覺得好強烈,會有呢啲唔舒服,但好彩無嘔到。因為當時已經少工作,所以主要喺屋企休息,都可能係休息得多,個肚長開咗,睇落比正常週數大。

叮囑孕媽媽要注意體重

4 現時幾多週?重咗幾多磅?

答: 我依家接近二十週。其實大家都要注重體重,千奇唔好話孕婦食多啲,肥左唔怕,到時生完咪減囉,當然都可以。但要媽媽同BB好,最好頭三個月總共重兩磅,然 後就每星期重一磅,呢個係最標準嘅,整個懷孕期就重三十磅。最重要係媽媽吸收之餘,亦要BB吸收到,BB未吸收完嘅野就會去晒媽媽度,對小朋友都唔係一件 好事。

做運動,食得清淡,肥肚不肥身

5 在懷孕期間,點樣維持體重?

答: 正常孕婦唔應該在孕期內重超過30磅。而我會喺屋企慢踩單車一個鐘,會出汗的。食物方面就要食得清淡,我每朝都會飲雞汁,一碗雞汁加上其他營養補充品、蔬 菜和麥皮等。最重要係補充蛋白質,可以飲奶粉或鮮奶,夜晚就食蒸魚同較清淡嘅食物,希望可以將脂肪減退,但就唔建議唔食嘢去減肥啦。

少食寒涼食物 改善水腫

6 孕婦水腫可以點改善?

答:我朝早塊面會水腫,夜晚就係隻腳水腫。依家有睇中醫,食緊中藥,主要係補氣和暖脾胃。因為很多女士的水腫原因係脾胃弱,令新陳代謝變得慢,水份積聚喺身體內,水份係夜晚就會因為地心吸力落左去隻腳。想改善水腫問題,食熱、暖嘅嘢可以暖返脾胃,寒涼食物盡量少食。