港男上門私補竟偷影兼訪發文公審學生 言論令人髮指！ 家長斥：咪拖累小朋友

男導師秀茂坪上門補習 疑發文公審學生

做教育理應有教無類，就算該名學生資質和水平再差，身為教師的都有義務循循善誘，要有無比的耐性。早前，一位專門做私人補習的男導師就在網上發文，直指自己近日到秀茂坪上門替一名中三男學生補習，表示對該名學生的住處、資質和上堂表現極不滿意，更偷拍學生照片，圖文並茂地放上網公審！

補習老師力數學生3宗罪

該名補習老師在偷拍學生後，在文中不斷苦呻自己是次私補經歷是一個「bad trip（糟糕體驗）」，首次上門時花了很多時間尋找對方住處，又斥學生家中有臭味，「應該係貓糧味加屋企嘅唔知邊度嘅臭味各樣，總之已經有少少唔舒服」。

隨後又不滿學生學習能力低，「佢可以連圓嘅面積都唔識，仲可以連體積同表面積都分唔到，啱啱講完嘅公式下一秒就唔記得咗，唔明點解中三基礎可以咁差。我講緊嘢佢又唔專心聽，喺度發夢」。最令人髮指的是，發文者更嘲笑學生外表「好毒」，因此才偷拍照片供網民評理。

發文惹網民公憤：為人師表咁口臭！

發文者指雖然對這個學生十分不滿，但由於時薪可觀，每小時收費$220元，因而至今仍在考慮是否應該繼續忍受。帖文引起大批網民關注，不少網民怒斥發文者「賤格」，只因他未經學生同意就將偷拍照片上傳，又指他「為人師表把口咁臭」、「人地就係唔識先要搵你」，認為他無心教導學生就切勿「阻人時間」，揚言「你咁嘅心態仲做私補」、「咪拖累啲小朋友啦！」