導盲犬

視障人士合法帶導盲犬入茶樓被拒絕 10歲童挺身而出1句反駁職員+多嘴食客

熱話

廣告

最近,有網民在酒樓飲茶時,遇到一名視障人士攜同導盲犬入內,惟酒樓職員以寵物需入狗袋或狗車才能入內為由,拒絕讓招待該名視障食客。此時,一名年約10歲的男童見義勇為,大聲反駁職員,更上前安慰視障人士,令事主十分佩服,忍不住讚嘆:「係叻仔嘅!」。

視障人士攜同導盲犬入茶樓被拒

有網民在facebook專頁「生仔要考牌系列」投稿,指近日與家人飲早茶時,剛好坐在近門口位置,目擊有視障人士攜同「導盲犬」進入茶樓。職員見狀即時攔截問:「有冇帶車或者狗袋?」。視障人士回答指,導盲犬受過訓練不會咬人,亦不會騷擾其他客人。惟職員堅持表示,除非將導盲犬放入狗袋或狗車,否則恕不招待。

導盲犬
(圖片來源:TVB《陪著你走》劇照;非當事人)

10歲男童見義勇為護航 職員仍然蔑視

正當事主想要出聲反駁該職員時,一名年約10歲的男童大聲說:「導盲犬可以入餐廳㗎,唔使用寵物車」。職員聽後有點猶豫,稱要先詢問經理意見:「因為我哋驚畀人投訴」。未幾,經理趕來處理,向視障人士表明:「你快啲入嚟,快少少食,一陣食環嚟查,我哋就大獲」。

導盲犬
(圖片來源:TVB《愛·回家之開心速遞》劇照;非當事人)

食客眼神嫌棄 冷言冷語

最後,該名視障人士被安排到較偏位置,場內有年長食客流露出嫌棄的眼神,更冷言冷語指:「驚會食到啲狗毛」。

導盲犬
(圖片來源:TVB《陪著你走》劇照;非當事人)

男童暖心安慰視障人士

而當視障人士經過男童一家時,男童主動搭話:「唔使理佢哋,隻狗狗好可愛。」之後,樓主看到該男童媽媽撫摸小朋友的臉大讚他「叻仔」。

目擊這有愛一幕的事主表示:「呢啲鼓勵真係好重要,因為畀個小朋友知道,就算大部人覺得係錯嘅事,其實你(個小朋友)先係啱㗎!我好佩服個小朋友嘅勇氣,我諗我好似佢咁細個嗰時,應該係唔敢出聲嗰個。咁細個識見義勇為,係叻仔嘅!」

該帖文引來網民熱議,不少網民都認為酒樓職員失職兼沒常識「邊間餐廳咁賤格」、「間茶樓咁樣公然侮辱視障人士都ok」。同時,大讚小朋友有愛心、勇敢,而且媽媽教得好好,因為這種場合就連大人都未必夠膽出聲:「小朋友真係好叻」、「佢媽媽個牌係金色嘅」、「好叻仔,媽媽好有家教」。

資料授權:Facebook專頁「生仔要考牌系列」

圖片來源:facebook專頁「生仔要考牌系列」、連登討論區