親子玩樂 $880住宿兼歎 自助餐

編輯：sunday KISS

今次酒店帶比我地唔少驚喜，無論設施和自助餐都非常不錯，好岩一家大細，我就半個disable咁，但大金毛就帶著謹子又去遊戲室，又去室外遊樂場，仲去埋參觀佢地好大好靚既室外泳池，讚啊！

而中午的 自助餐 亦好有驚喜，由於我暫時仲未食得刺身，我主打食左佢地既串燒，即燒即食，其中醬燒茄子、尤魚和燒蝦簡直要再三encore!!!

而她們的甜品亦有好多選擇，好少酒店既午餐 自助餐 有咁出色既甜品！另外不得不提，酒店特別為小朋友設了一個kids corner ，有爆谷、果汁、雪糕，還有好幾款finger food，睇下謹子食得幾滋味呢！

而家嘉湖海逸酒店做緊一個好抵既promotion呀！「週末自助午餐住宿計劃」，優惠價只需港幣$880/2位，包括左：標準客房住宿一晚 、星期六或星期日之紐約紐約自助午餐 ，更可免費享用游泳池(季節性開放)、健身室、蒸氣浴、桑拿浴及小朋友俱樂部！真心抵！

各位好少入新界玩既朋友仔更加要黎試下，附近仲有個濕地公園，趁天氣涼涼地，帶埋小朋友去行下公園真係一個非常好既家庭活動呢！