港鐵故障返學遲到 校方不接受「得觀塘線故障先可以體諒」被罰學生不滿發文炮轟
港鐵荃灣線故障學生集體中招
早前港鐵荃灣線出現故障，令大批依賴該線返學的學生受影響。有學生在社交平台發文訴苦，表示自己已解釋遲到原因是「港鐵延誤」，但校方卻不接受遲到理由，老師更回覆「得觀塘線故障先可以體諒」。該學生忍不住在網上炮轟學校做法僵化，發文質疑「淨係得觀塘線故障可以體諒，荃灣線就唔體諒？講埋地鐵故障都係留堂？」
港鐵阿伯手放女童胸前疑有不當動作 網民認出女童就讀小學籲舉報
佛教學校罰抄心經洗滌心靈
事主又指自己被罰留堂抄佛經，該學生在帖文下方貼出抄書圖片，又指留堂原因一欄清楚寫著「地鐵故障」，而避免留堂的方法則填上「坐的士返學」、「轉坐其他交通工具」等建議。面對處罰，該學生只能無奈自嘲今次罰抄是「洗滌心靈」。有網民建議他不需理會留堂通知，但他表示「學校好小氣，一走留堂第二日即刻問番你，然後要你補」。
中學生徒手伸腳擋輕鐵車門阻開車被公審 校方首回應事件 附港鐵回覆
大批學生訴苦：九秒九跑返學，仲要考試
帖文一出立即引來大批學生分享自己的慘痛經歷，有另一名學生表示「55分落去等咗好耐都未上到車，即刻出閘跑返學，差啲遲到」，另有人無奈地說「受害者+1，MTR Mobile完全冇出過通知，同樣對白：『早啲起身就冇事』」。更有學生詳細描述當日的混亂情況：「今朝我都係咁，話說十幾分喺青衣上車去荔景已經有提示話會延遲，然後二十幾分喺荔景上荃灣線，59分先喺油麻地落……然之後九秒九跑咗返學校遲咗五分鐘，仲要今日考試。」
港鐵老翁揮拳案｜72歲男子落網被捕獲准保釋候查 李小姐正約見精神科
網民炮轟校方處理方法：應該一視同仁全部罰哂
事件曝光後網民反應兩極，大部分人都批評校方做法過於僵化。有人建議學生應該申請「延誤證明書」據理力爭，「樓主可以試吓去counter問職員拎服務受阻證明書」，亦有人分享應對策略「老師只會話點解唔早啲出門口，下次咁嘅情況應該叫家長請病假」，更有家長及大人表態支持學生，揚言「有無同阿媽講？比着我小朋友咁樣而被罰留堂，我一定打電話嘈爆佢」、「如果係我嘅話，個仔／女返嚟話俾我聽因為咁而要罰留堂仲要罰抄心經，我一定會第二日同佢一齊返學，再搵個校長理論」， 有人認為任何港鐵線故障都要平等看待，「原文重點係觀塘線故障有得酌情處理, 其他線就冇. 如果一視同仁就應該全部罰哂」。不過亦有網民幽默笑指「好在不是基督教學校 唔係就罰抄聖經一次」「係咪要抄到識背先放人」。
港鐵老翁揮拳案｜受害女子頭部多次被阿伯打 哭訴揭真相萌尋短念頭
事主補充回應「淨係得觀塘線故障先可以體諒」
對於有很多網民好奇為何學校「淨係得觀塘線故障先可以體諒」，事主其後再補充道是由於「當時觀塘線故障，學校豁免咗」，更澄稱並沒有向學校表示荃灣線故障，只是在遲到紙上寫上「地鐵故障」。
小學生寒冬起床返學 受訪幽默比喻爆金句獲讚「太中Point」就讀學校曝光
