柏安妮

許恩怡飾Edan新MV女角擁強勁背景!媽媽柏安妮息影做心理學家

熱話

廣告

許恩怡飾Edan新MV女角擁強勁背景!MIRROR成員呂爵安(Edan)與古巨基齊齊合作拍MV翻唱《飄流教室》 ,昨晚(22日)MV推出後至今觀看次數已超過35.5萬次!大家除了關注歌手外,另一看點是MV中的女主角。有網民認為片中女主角激似木村拓哉細女木村光希,充滿仙氣。原來她是「港產片女神」柏安妮的女兒許恩怡,難怪許恩怡一舉手一投足都充滿星味。

消費券轉會優惠比較

Edan《飄流教室》MV女角是柏安妮女許恩怡

古巨基早前專注湊仔,已闊別樂壇三年,最近終回歸香港樂壇,推出音樂企劃 [𝐈.𝐑.𝐋.𝐓.𝐒] 。他首先請來MIRROR成員呂爵安Edan,二人翻唱自己的舊歌《飄流教室》,更特意為歌曲拍了新MV。

呂爵安擔任MV中的男主角,而女主角討論度亦非常高,很多網民大讚女主角很有仙氣,眼大、臉小,非常有氣質,原來她正是80年代的「港產片女神」柏安妮的17歲女許恩怡。難怪女主角許恩怡總是有種讓人感到熟悉的感覺,每個近鏡都有鼓淡淡80,90年代的復古味道。

Edan 許恩怡 柏安妮
(圖片來源:YouTube《飄流教室》截圖)

許恩怡中學校服造型超清純

許恩怡在MV中飾演呂爵安的中學同學,默默暗戀對方,多個鏡頭都十分有愛,例如二人找古巨基在唱片上簽名、 吃飯時打打鬧鬧等,令網民不禁想起學生的青春回憶。

許恩怡在每個鏡頭都花了一點心思,例如見到明星時像小女生般興奮、小彈跳、 和呂爵安的親密互動等。當她猶豫要不要送出親手織的頸巾時那個苦惱的樣子都是很可愛,惹人憐愛。

許恩怡長大後勁有氣質 演技超班

當角色長大後,許恩怡要扮演呂爵安最佳好友的角色,只能默默地看着自己心愛的人和其他女生交往。許恩怡發揮個人純熟演技,將抑壓的愛戀活現在鏡頭前。 除此之外,在MV中許恩怡的近鏡有8、90年代港產明星的味道,很有氣質。

即睇《飄流教室》MV:

許恩怡與兩位女星撞樣

有網民發現,許恩怡的樣貌與木村拓哉的細女木村光希撞樣,兩人都有瓜子臉, 而且鼻形亦十分相似。最重要是,兩位美少女都是星二代,同樣遺傳了爸爸、媽媽的良好基因,星味十足。另一位大陸女星周冬雨的五官和氣質與許恩怡都有點相似。你覺得誰最似許恩怡呢?

17歲許恩怡十項全能獲獎無數 受母影響入行首套電影即獲獎

許恩怡在2021年正式出道,在經理人Kim的帶領下踏足演藝圈。她一向品學兼優,三歲就開始學習跳舞,自小開始已接受過古典舞、芭蕾舞與現代舞等舞蹈訓練,並完成了所有皇家舞蹈學院的分級及職業考試,在2019年參加了香港演藝學院年度傑出⻘年舞蹈家計劃。另外,她亦接受過武術訓練,擅⻑劍術、長拳、太極等,在武術及舞蹈領域均取得優異成績,而且在公開比賽上獲得不少獎項,十項全能。

許恩怡憑電影《燃野少年的天空》在「2021東京國際電影節中國電影周」金鶴獎勇奪「最佳新人獎」。她說:「我第一次拍戲,拍得很開心,學到了很多,組裏每個人都對我很好…最後想感謝我的經紀人Kim和家人一直以來的支持,我一定會繼續努力,謝謝。」提到首次拍電影的體會,許恩怡不諱言媽媽柏安妮對她加入影圈也會給予意見:「她讓我學會隨機應變,總是準備好迎接變化,然後也讓我學會接受意見,還有從意見中學習讓自己進步,成為更好的演員。」

Edan 許恩怡 柏安妮
(圖片來源:IG@natalieenyi)
柏安妮 Edan 許恩怡
(圖片來源:IG@natalieenyi)

另外許恩怡曾拍衛生巾廣告,大展舞技。

柏安妮
(圖片來源:廣告截圖)
柏安妮
(圖片來源:廣告截圖)

與「溜冰王后」媽媽溜冰不似母女

今年母親節,許恩怡與媽媽柏安妮在太古城中心溜冰場大玩花式溜冰,二人玩得十分暢快,一點都不似母女。想當年柏安妮入行前曾參加香港花式溜冰比賽奪冠,有「溜冰王后」稱號,如今在場上絲毫不減當年的清純氣質,動作依舊敏捷! 照片中可以看到,已離巢多年的柏安妮保養得很好,只是臉上多了一點歲月的痕跡。現在女兒可以繼承母親的美貌,延續那份獨特風彩。

Edan 許恩怡 柏安妮
(圖片來源:coolstylemgt)
Edan 柏安妮 許恩怡 Ann同囡囡Natalie關係情同姊妹,猶如閨密老友。
(圖片來源:coolstylemgt)

媽媽柏安妮背景起底 淡出幕前生活多姿多彩

闊別銀幕29年的柏安妮 (Ann Bridgewater)曾以一身素服、手持iPad並面帶笑容接受本報訪問,正切合她在平凡中找到喜愛工作的形象。

柏安妮於1985年出道,為青春組合「開心少女組」一員,一齣代表作《為你鍾情》飾演張國榮的妹妹,瞬即登上女神之位,之後合作的粒粒皆星,有《咖哩辣椒》的周星馳、張學友、《俠盜高飛》的周潤發、《風塵三俠》的梁朝偉。

正當事業最璀璨之時,她放棄短短八年的銀色旅途,投身專業行列,並與港大同學結婚誕下兩女,現分別21歲及17歲,專心做個平凡的職業女性。 一直對兒童教育有興趣的她,先後考取了職業治療師及臨床心理學家專業資格,一做十多年,幫到人,更幫到女兒,利用工作經驗去教女,重溝通、不問成績、嚴守家教,令青春期的女兒不但無反叛,更感激媽咪的嚴厲。

Edan 許恩怡 柏安妮 3_270K_family
柏安妮於80年代中至90年代初拍過多部電影,出眾的外貌及一雙帶點憂鬱的眼神,風靡萬千男士。(圖片來源:SundayKiss 圖片庫)

娛樂圈講求際遇 因無安全感而轉行

柏安妮是中、英、馬來西亞混血兒,美艷動人,更是一名叻女,入行前為香港花式溜冰冠軍,後獲英國牛津大學錄取,因獲黃百鳴賞識而放棄升學,一嘗做明星的滋味。

在千變萬化的娛樂圈,際遇要講運氣,對性格踏實的柏安妮來說,沒有安全感,「喺娛樂圈除咗靠實力,好多嘢都要靠運,同埋睇你想唔想出去見人、交際、識到邊個,我覺得唔係好適合我。」 八年的星途,柏安妮也自覺幸運,認識了許多愛錫她的人,但她覺得除了拍戲之外,仍想發掘其他興趣發展,在尋找新出路之前,必須重拾書本,故90年代初她到香港大學進修生物系,邊拍戲邊讀書,更認識了港大同學,其後相戀結婚,育有兩名女兒,正式展開新生活。

Edan 許恩怡 柏安妮 2_270K_family
Ann婚後育有一對女兒,管教比較嚴厲,尤其重家教、守規矩,希望女兒不會行差踏錯。(圖片來源:SundayKiss 圖片庫)

成為臨床心理學家 專注幫助有需要學童

畢業後她做過無印良品香港品牌經理,之後為興趣再進修職業治療,從此為小朋友效勞,一做十幾年。 能找到真正喜歡的事業,又可以幫人,並非人人有如此福份。對柏安妮來說,每一個case都難忘獨特,「做過咁多個家庭,我個個都鍾意,好願意為佢哋做嘢,冇一個家庭我係唔想見,當深入認識每個家庭,就會睇到佢哋嘅好處同難處。難忘嘅都有,好似有小朋友嚟之前乜都唔肯食,嚟到做做吓佢食咗隻蕉,我已經開心到不得了!早幾日又有個小朋友,家長教咗好耐佢都唔識自己去廁所,我同佢傾咗一陣,佢返屋企終於去到。好多嘢我哋平時覺得好容易,對某啲人係好難,而我幫佢哋做到少少嘢,已經可以改善佢哋生活。」

做了多年職業治療後,柏安妮還轉做臨床心理學家,希望多從內心去幫助有困難的小朋友,「以前多做0至6歲,依家會做到10幾歲,好似小朋友喺讀書、專注力、社交或心理上有問題,我都會幫佢。」

Edan 許恩怡 柏安妮 8new_270K_family
Ann與羅明珠(中)於80年代中出道,後與其他少女藝人組成開心少女組。(圖片來源:SundayKiss 圖片庫)

每幫到一個家庭 就多添一份滿足感

職業治療與臨床心理學的最大分別,在於前者較重於教小朋友的日常生活,後者則關乎小朋友及家長的心理,比較全面具挑戰性。「職業治療師做多啲日常嘅嘢,小朋友嘅職業就係瞓覺、食嘢、返學、寫字,真係落手落腳教佢哋寫字、點樣換衫等等;臨床心理學固然之做心理嘢,如果小朋友唔開心,要同佢傾偈,睇吓佢家庭狀況,鼓勵家長點改善關係。」

其中一個最常見的學習問題「專注力不足」,是柏安妮的重點工作,主要做評估及幫家長正視問題。「好多專注力不足嘅小朋友好聰明,只係上堂遊魂,所以我就做好多評估,去證明個小朋友係聰明、智力冇問題,只係教佢嘅方式要多花心機,搵啲佢有興趣嘅嘢去教,咁對個小朋友轉變會好大,因為佢哋自細就俾人話懶同蠢,其實佢哋係聰明,所以佢哋好忟,做好多奇怪行為被人鬧,形成惡性循環。」

Edan 許恩怡 柏安妮 7b_270K_family
近年贏在起跑線的文化,Ann收到很多家長學生求助,「考試焦慮最多,好多小朋友因為生活轉變而處理唔到學業。好多家長成日話小朋友懶,其實冇一個係特登懶,大部分都盡咗力,只係有啲原因kick住咗,做唔到父母嘅要求。」(圖片來源:SundayKiss 圖片庫)
Edan 許恩怡 柏安妮 11_270K_family
Ann與丈夫在教女上比較隨和,對學業成績不執着,令女兒快樂地成長。(圖片來源:SundayKiss 圖片庫)

兩女遺傳舞動基因 做嚴母:我有規矩

談起兩個女兒,柏安妮感到窩心,她笑言女兒樣子不似自己,「樣同性格都似我老公多啲,大女比我靜,細女比我更活潑,所以我喺中間。」

媽咪曾是花式溜冰健將,兩女遺傳了舞動基因,皆熱愛跳舞,細女有玩體操、武術。 息影後從不斷進修,到真正接觸無數家長小朋友,所得到的經驗,對自己教女也相得益彰,「進修期間一路提高對小朋友嘅知識同心理學,都幫到自己小朋友,例如點同佢哋傾偈、點樣教導、點分輕重。」

在其他小朋友面前,柏安妮是一個仁慈的專家;在女兒面前,卻管得比較嚴,「我唔係嚴得好緊要,但我有規矩,個女要明白。佢哋覺得我嚴啲係好㗎,有時佢哋講其他同學發生咩事,就慶幸我係佢哋媽咪,唔畀佢哋做啲咁嘅嘢,好彩我嚴。」

兩女已踏入青春期,理應較多少女心事,柏安妮笑言幸好她們較成熟,明白事理,「唔多唔少總會有,佢哋試過喺學校同同學嗌交、被人蝦,但佢哋處理得好好。」自建立家庭以來,她堅持擺最多時間在女兒身上,為了家庭她亦無意復出,「一有時間就畀晒佢哋,自己係冇晒私人時間。」

Edan 許恩怡 柏安妮 13_270K_family
Ann與拍檔研發改善專注力的視頻遊戲GlowMaster,但打機多不怕反影響小朋友的專注力嗎?「呢個係特別嘅治療方式,人有腦電波,呢隻game係用特製頭箍量度專注力,如果專注力好,就會喺game中反映出來,所以隻game係利用治療方式去幫小朋友,佢哋喺game度睇到點樣集中精神,玩耐咗就會達到最佳水平。」(圖片來源:SundayKiss 圖片庫)

不緊張女兒成績 強調「媽媽不是女神」

處理過眾多有考試壓力的小朋友,柏安妮更堅持不做虎媽,甚至令女兒覺得媽咪太不着緊,「我唔緊張佢哋成績,仲被佢哋話番我唔緊張。有次大女話佢考到幾多分,我話咁咪好囉!佢竟然話:『係你先話好㗎咋,其他人唔會話好囉!』我覺得佢哋盡咗力就得,尤其十幾歲嘅女仔,喺學校、朋輩已經受好多壓力,會同其他人比較分數。」 受媽咪影響下,細女都有意從事臨床心理學,「細女久唔久有跟我返工,大女都有,因為我哋有時會同小朋友、年青人開小組,佢哋都一齊參加。」

媽媽曾是女神級明星,兩女間中都有上Google、YouTube重溫媽媽的舊作,但不覺得媽媽是大美人!「我對佢哋嚟講一啲都唔靚,哈哈!佢哋知我拍過戲,間中睇報紙雜誌會見到我,久唔久都有YouTube我,但都係睇短短一段仔。細女試過細個返學學上Google,佢話同學Google我,哈哈!佢哋都慣咗!」 媽咪入行八年後,才找到真正的興趣,女兒會否想一試星途,再看出路?「如果佢哋想入行的話,好難唔畀佢哋嘗試,但點都要讀完書先。」

媽媽柏安妮淡出幕前後生活如何?

正當事業最璀璨之時,她放棄短短八年的銀色旅途,投身…詳情請看

Edan與許恩怡如何認識?

MIRROR成員呂爵安(Edan)與古巨基齊齊合作拍MV翻唱《飄流教室》 ,MV女角就是許恩怡,原來…詳情請看

圖片來源:IG@koki、 IG@zhoudongyu、YouTube《飄流教室》截圖、《我願意》劇照、IG@natalieenyi、SundayKiss 圖片庫