打機

爸爸診所內掛住打機唔理囝囝 媽媽一句說話霸氣KO

熱話

廣告

大多男士喜歡打機,自從手機遊戲近年愈來愈受歡迎後,街上不難看到人手一部智能電話,無論男女都會埋頭苦幹,成為「低頭族」。日前有Facebook專頁「診所低能奇觀」分享了一則趣事,指有爸爸在診所內只顧低著頭打機爭排名,被太太嚴厲教訓的故事,引起網民熱烈討論。

撰文:CMY|文章授權:「診所低能奇觀」Facebook專頁

全文如下:

 

有日一家三口嚟到診所。

爸爸由一入診所門口開始已經低頭望住部電話,個仔就跟住喺爸爸後面~

媽媽行埋嚟登記處問我:「係咪有醫生呀?」

我:「有呀,邊個睇啊?」

媽媽:「我老公同我個仔」

我:「兩個都未睇過嘛,麻煩你俾佢哋嘅身分證明文件我呀」

媽媽同爸爸講:「身分證呀」

爸爸視線同雙手都仍然冇離開電話,佢趷高自己屁股:「喺度」

媽媽斜眼睥睥佢,就喺佢屁股褲袋度拎出銀包…

登記後,佢哋一家三口行去坐低等嗌名。

過咗冇耐,到佢哋了。醫生嗌咪嗌爸爸個名後,爸爸企起身大嗌:「未得呀我!我未死呀!」

媽媽:「一陣先玩得唔得呀?睇完先玩得唔得呀?」

爸爸:「唔得呀!就完㗎啦!我就快做到第一名㗎啦!爭兩個咋!」

媽媽再忍唔住佢把火,一手摑落爸爸部電話度:「玩夠未呀?日玩夜玩!玩到成個廢人咁!」

爸爸瞪大雙眼望一望媽媽,再邊講『唔好呀唔好死呀唔好呀!』邊撲去執返部電話。佢哋個仔都嚇到呆咗企咗喺度。

爸爸一執返部電話望一望:「呀!死_咗啦!」

爸爸正想開口鬧媽媽時,媽媽先發制人:「你想喺GAME入面死定現實死呀?喺GAME入面你有槍呀?現實我一嘢就咬斷你枝槍,射得好過癮好好玩呀?」

爸爸袋好電話入褲袋,伸手拖住個仔,若無其事入醫生房睇醫生了。

你又點睇?

更多精選內容