謝賢

謝賢由霆鋒出世至今戴黑超因1話除低 遮眼謎團終解開 真面目被網民指似「表哥」

熱話

廣告

謝賢(四哥)年屆85歲,但仍有心有力。近幾年拍攝多部電影,更憑住新戲《殺出個黃昏》獲得2022年香港電影金像獎最佳男主角提名,成為最年長的提名男演員。在戲中,他應導演要求演得更貼地,願意放棄自己多年的黑超形象,以「真面目」示人。

原文刊於:More

謝賢為電影除超演出露出「真面目」

早前電影由林家棟監製、高子彬執導,謝賢(四哥)馮寶寶及林雪主演《殺出個黃昏》日獲邀成為「第四十五屆香港國際電影節」參展電影,並將於文化中心作首映。不過網民的焦點都落在四哥激罕除起露出「真面目」的劇照上,有網民超驚訝地表示:「我出世到依家都未見過佢對眼!」

林家棟透露今次四哥肯除超,全因他和導演高子彬親自出馬遊說,他說:「其實四哥唔係介意除眼鏡演戲,問題係佢唔熟我林家棟、信唔過我,驚我哋只係玩玩嚇當噱頭,搞爛佢招牌。所以喺拍攝前,我同導演同佢見過4、5次面,畀佢了解到成個故事係講乜嘢,我哋想佢演得貼地一啲,同埋重現佢凌厲嘅眼神!」

謝賢 林家棟話四哥開頭唔肯除眼鏡演戲,只係驚佢哋係玩玩嚇當噱頭,搞爛佢招牌。
林家棟話四哥開頭唔肯除眼鏡演戲,只係驚佢哋係玩玩嚇當噱頭,搞爛佢招牌。(圖片來源:東方新地照片庫)

林家棟續說:「起初四哥仲十五十六,後來我話『唔好咁對我啦,我有扮過你呀!』然後播出我扮佢嘅片段畀佢睇,大家先慢慢建立出互信嘅關係。」

謝賢 林家棟用「我有扮過你」呢句說話令四哥放下戒心,睇番林家棟扮四哥嘅作品,係1998年播出嘅無綫劇《難兄難弟之神探李奇》,劇中佢嘅角色名叫「謝四」。
林家棟用「我有扮過你」呢句說話令四哥放下戒心,睇番林家棟扮四哥嘅作品,係1998年播出嘅無綫劇《難兄難弟之神探李奇》,劇中佢嘅角色名叫「謝四」。(圖片來源:TVB《難兄難弟之神探李奇》截圖)
謝賢 有網友幫四哥張劇照加番副眼鏡落去。
有網友幫四哥張劇照加番副眼鏡落去。(圖片來源:Facebook截圖)

有人指撞樣「表哥」

謝賢
(圖片來源:Facebook截圖)
謝賢 網民讚四哥肯除低副黑超,係為藝術犧牲。
網民讚四哥肯除低副黑超,係為藝術犧牲。(圖片來源:Facebook截圖)
謝賢 除咗除低黑超外,網民仲好驚訝四哥今次冇再著樽領衫。
除咗除低黑超外,網民仲好驚訝四哥今次冇再著樽領衫。(圖片來源:Facebook截圖)
謝賢 翻睇舊相,原來四哥在1980年大仔謝霆鋒出世時,已開始熱愛戴超。
翻睇舊相,原來四哥在1980年大仔謝霆鋒出世時,已開始熱愛戴超。(圖片來源:東方新地照片庫)

相隔60年謝賢除超與馮寶寶再合作

今次新片講述謝賢、馮寶寶、林雪於60年代曾是讓人聞風喪膽的殺手組織成員,無奈時代蛻變,三人只好脫下戰衣,重歸平凡生活,步入黃昏之年,卻因為電台一首點唱歌〈青春之歌〉,讓三人重燃心中的一團火。原來今次是謝賢與馮寶寶相隔60年後再度合作,現年66歲的馮寶寶透露她和四哥曾在1960年上映的粵語片《連理枝》中合作過,當時作為童星的她,在片中飾演四哥的女兒。

謝賢 劇照中見到難得無戴超的四哥,今次是他和馮寶寶第二次合作,由父女變成生死之交。
劇照中見到難得無戴超的四哥,今次是他和馮寶寶第二次合作,由父女變成生死之交。(圖片來源:東方新地照片庫)
謝賢 有網民好期待馮寶寶嘅演出。
有網民好期待馮寶寶嘅演出。(圖片來源:Facebook截圖)

網民亦有關注片中的新面孔鍾雪瑩,她說:「初初聽到會同四哥、寶寶姐拍戲, 我以為自己發緊夢,可以同兩位咁有份量嘅前輩合作,夠我講成世!」

謝賢笑言跟新演員鍾雪瑩有唔少對手戲,令佢成個人都年輕咗唔少。
謝賢笑言跟新演員鍾雪瑩有唔少對手戲,令佢成個人都年輕咗唔少。(圖片來源:東方新地照片庫)

謝賢生活規律 更有專人相伴做運動

84歲四哥依然風度翩翩身壯力健,鬧起人上嚟中氣十足,拍戲扮殺手都無問題!如何保持心境和體魄繼續年輕?四哥話過不暴飲暴食、繼續工作保持狀態,除此之外原來四哥亦定時定候按摩排毒以及行山鍛鍊手腳。四哥自與女友CoCo分手後開始獨居生活,但身邊全天候都有猛男助手陪伴出入,據悉正是由孝順仔霆鋒親自物色及包辦全部費用!

謝賢 其實唔止出錢出力幫四哥物色稱職助手,霆鋒再日理萬機都盡量 抽空親自陪伴,「肯亞徐」就曾經跑山遇上父子倆。
其實唔止出錢出力幫四哥物色稱職助手,霆鋒再日理萬機都盡量 抽空親自陪伴,「肯亞徐」就曾經跑山遇上父子倆。(圖片來源:東方新地照片庫)

17年宣布與年輕49歲女友CoCo分手,年過八十的四哥謝賢雖然老而彌堅,不過近年就再未有新戀情傳出。回復單身又要獨居,謝賢復出拍劇拍戲又在多個內地真人騷露面填補空虛,其他時間在香港亦勤於養身和鍛鍊,本刊曾拍得謝賢由司機接載先到跑馬地接受淋巴穴位按摩、再趁住好天上寶雲道行番半個鐘山。雖然身邊沒有兒孫和女友陪伴,不過就有健碩猛男全程護駕,兼任助手、看護之餘,亦和四哥有講有笑話題不絕。

84歲四哥謝賢身體健康全靠平時養生有道保持運動,行山為保險帶住伸縮拐杖,但就全程收起用不著。
84歲四哥謝賢身體健康全靠平時養生有道保持運動,行山為保險帶住伸縮拐杖,但就全程收起用不著。(圖片來源:東方新地照片庫)

謝霆鋒為謝賢聘請專人陪伴

雖然身體仲好硬朗,四哥始終年紀不小又係獨居,據知情人士透露,霆鋒留港時會盡量陪老父食飯行山,不過工作繁忙又日理萬機,放不下心乾脆請專人廿四小時護駕:「四哥Keep得好大家都知,佢唔係咩外傳打羊胎素同拉面皮,係幾十年如一日生活 習慣做到足。佢唔食早餐,朝早起身只飲橙汁同咖啡;一定唔會暴飲暴食、咁多年從來唔食消夜;平時注重養生會食補品,朝早橙汁溝埋冰糖燕窩飲落肚;最重要係保持運動,喺屋企日日拉筋舉啞鈴,有時間就會去行山。」

謝賢 全日外出,四哥除咗有專車同司機車出車入,仲有猛男助手去到邊陪到邊。
全日外出,四哥除咗有專車同司機車出車入,仲有猛男助手去到邊陪到邊。(圖片來源:東方新地照片庫)
謝賢 近年獨居的四哥自有辦法讓單身生活更充實,行山之前就先去跑馬地來個全身排毒按摩。
近年獨居的四哥自有辦法讓單身生活更充實,行山之前就先去跑馬地來個全身排毒按摩。(圖片來源:東方新地照片庫)

知情人士續指:「四哥都話過冇諗過自己會咁長命,所以早年拍戲賺落一早使晒,家陣使費全部係個仔負責。家陣呢個助手四哥去到邊都會跟住,功能除咗幫霆鋒看住老竇,最緊要都係陪吓老人家!」四哥養生有道,絕對係圈中最強爺爺。

謝賢讚霆鋒為沉默實幹型兒子

霆鋒有幾孝順顧家從來不會到處宣揚,不過近年四哥露面內地訪談節目,就透露不少父子間的窩心點滴。比如年前霆鋒大手筆送出訂造版豪車勞斯萊斯,四哥笑言無錢入油,霆鋒則豪氣拍心口:「我有!」

關鍵詞
四哥謝賢
圖片來源:TVB《難兄難弟之神探李奇》截圖、東方新地照片庫、Facebook截圖、ViuTV 《香港電影金像獎》截圖、東方衛視《舞林大會》截圖

你又點睇?

更多精選內容