醫生

【超過份】帶年邁母親睇醫生 不肖子:「你唔好死喺屋企!」

熱話

廣告

每個媽媽為將孩子養大成人,付出非常多,到老年時都會希望有家人陪伴自己。日前Facebook專頁「診所低能奇觀」分享一則令人髮指嘅見聞,指有名男子帶年邁母親到診所睇醫生,該男子態度惡劣,更喝斥其母:「你唔好死喺屋企!」

撰文:KM |診所低能奇觀 授權轉載 |圖片:劇集截圖、診所低能奇觀

不肖子喝斥年邁母親:「你唔好死喺屋企!」

日前Facebook專頁「診所低能奇觀」的版主「珍寶豬」分享一則見聞,一名男子帶同其母到診所看醫生,該男子表示母親要填表照肺,言談間提到惡劣,一直呼喝母親和「珍寶豬」。

填表需要身份證,該男子呼喝母親趕快拿出身份證,又不耐煩一直催「珍寶豬」趕快完成登記。

隨後,該男子和母親的對話令「珍寶豬」感到不理解,該男子向母親表示「你死還死呀!唔好死喺屋企呀!」,又表示「你死喺度個價會冧㗎!定係你要我賣埋個老婆去補你死喺屋企條數呀?幾廿歲人用吓個腦啦!」,非常不孝。

全文如下:

有日有位先生同個婆婆一齊嚟到診所。
婆婆篤住柺仗慢慢行去坐低,先生就行過嚟登記處~
先生:「我阿媽要填呢份表,仲話要照肺」
我:「好呀,麻煩你俾佢嘅身分證明文件我做登記啊」
先生擰轉頭嗌過去:「喂,身分證呀!」
婆婆慢慢摷身分證,先生唔耐煩行埋去:「搵張身分證都咁耐,你阻住人呀!」
我:「唔緊要呀,唔急呀,慢慢呀」
先生擰轉頭同我講:「係我急呀!」
好大嘅官威啊!我收聲~
先生拎到身分證之後,再行返埋嚟登記處,我啱啱先開始登記緊個中文名~
先生就急到瀨屎咁款問我:「要搞幾耐呀?」
我:「登記就好快嘅啫」

先生:「填呢份嘢呢?」
我:「呢個都要三四日啊~因為仲要等XRAY報告返~」
先生:「一份報告要等幾日?」
我:「係呀,因為要佢哋嗰邊嘅醫生出返份報告,再送返過嚟,你預三日就穩陣啲」
先生:「打幾隻字都咁耐?就咁話冇事咋喎唔係咩?」
我:「咁佢哋唔係淨係得一份報告要出㗎嘛」
婆婆開聲:「你急咩呀?我都就死㗎啦!等幾日你都等唔到啊?」
先生擰轉頭回應:「你死還死呀!唔好死喺屋企呀!你過到去先好死呀!」
…呢個係咩對話啊…
婆婆:「你就咁我驚死喺屋企呀?」
先生:「間屋仲要賣㗎!你死都死出去啦!」

婆婆抿抿嘴:「係囉係囉,屋呀?你老豆走嗰時你話會照顧我,佢先肯寫你名呀!」
先生:「我而家冇照顧你呀?我有俾飯你食有俾衫你著呀!我係叫你唔好死喺屋企,死出去啫!你死喺度個價會冧㗎!定係你要我賣埋個老婆去補你死喺屋企條數呀?幾廿歲人用吓個腦啦!」
婆婆唔出聲了。
阿先生老婆,你好似搵機會走好啲…

網民生氣表示:「人渣!」

對於這件事,很多網民都表示非常生氣,認為「他朝君體也相同」,有些人更怒斥該男子為人渣。

你又點睇?

更多精選內容