跳出框框潮學舞

家長認為學芭蕾舞、中國舞、爵士舞有用，是基於有等級考試制度，比較正規；而闊袍大袖的Hip-hop就只是街頭玩意，難登大雅之堂。Hip-hop導師Manfred明白家長的考慮，故開始研究如何將學跳Hip-hop變成有系統的課程，並多次到日本、韓國交流，發現當地已經有很完善的兒童Hip-hop課程和評核機制，於是就在香港創先河，首創有8級考核制度的Hip Hop課程，由淺入深，小朋友跳起來更有板有眼。「一般由5歲可以開始學，1至4級主要係打穩基礎，練好Hip-hop、Poping、House、Locking 4種舞嘅基本步法，由第5級開始，就會開始教啲Breaking 技巧，例如係一啲地板動作。」

跳Jazz唔會out
爵士舞（Jazz）音樂感重，具時代感，可以突顯舞者的個性及線條美，舞蹈教育中心藝術總監Annie 認為，隨着K-Pop愈趨流行，將K-Pop元素融入傳統的爵士舞中，再透過生動的教學方法，可以有效提升小朋友對跳舞的興趣。「依家啲小朋友返學已經咁辛苦，如果課餘學.都咁悶就好慘！而且每個時代都有唔同嘅文化， 將傳統嘅Jazz同K-Pop融合，多啲扭動，動作會更加有力，冇咁死板，小朋友都會易啲上手，3歲開始學都冇問題。」考慮到3至6歲的小朋友對數拍子有一定困難，Annie及她的團隊更自創一套口訣來教小朋友記動作，例如將左手叫做「Daddy手」，右手叫做「Mummy手」，讓小朋友可以邊唸邊跳，學得更投入。

撰文：Joanne
攝影：溫俊鏘、新傳媒資料室（部分相片由受訪者提供）