迪士尼

港媽入迪士尼樂園賴低4歲女獨處長達45分鐘!諷港人自私不幫手湊女

熱話

廣告

帶小朋友出街,最緊要保障他們安全,時刻將小朋友保持在視線範圍內,以免發生意外。不過有港媽帶4歲女兒入香港迪士尼樂園,期間竟然丟低女兒獨自去買午餐,整個過程足足有45分鐘之長!有網民指港媽做法好危險,港媽則認為樂園應提供App落單服務,暗指員工應該主動幫手,並留言暗諷入園港人不主動幫手湊女,行為自己顧自己。

港媽入迪士尼樂園賴低4歲女買午餐 上網斥港人自私不幫手湊女

香港迪士尼樂園一向是親子遊的理想勝地,不少父母都計劃帶小朋友入園玩返餐。不過家長們帶小朋友入園絕對並不輕鬆。有港媽在Facebook群組「我真係好鍾意迪士尼資訊分享群」內發文,分享自己帶4歲女兒入樂園的經歷,引起不少網民關注。

迪士尼樂園是熱門景點
迪士尼樂園是熱門景點(圖片來源:香港迪士尼樂園)

港媽分享指入園當日好多人,期間小朋友覺得肚子餓,就開始埋怨「肚餓肯定要搵嘢食,我已經揀咗間最少人嘅慧星(彗星),但都係爆棚。」期間有樂園員工提醒因為餐廳好爆場,要記得先搵位,港媽就決定搵好位後放低4歲女,放低電話供女兒消閒,隨後獨自一人前往櫃檯排隊買午餐,粗略估計約離開近45分鐘。

彗星餐廳位於香港迪士尼樂園明日世界,是樂園內熱門餐廳之一,主要提供快餐餐飲服務。
彗星餐廳位於香港迪士尼樂園明日世界,是樂園內熱門餐廳之一,主要提供快餐餐飲服務。(圖片來源:香港迪士尼樂園)

港媽表示自己當時緊張到「個心砰砰咁跳」,又稱「當我見到我囡時,嗰一刻我畢生難忘,佢冇玩電話,而係大大粒眼淚望住我!我唔敢想像當時佢係咩感受,佢當時內心肯定好驚好驚,點解媽咪咁耐都未返嚟……」,長篇表達內心愧疚,並「虛心建議」迪士尼樂園應該作出改善:「例如用app落單,或者有人送下餐呢?幫助下啲有需要嘅人」。

迪士尼 港媽表示自己當時緊張到「個心砰砰咁跳」
港媽表示自己當時緊張到「個心砰砰咁跳」(圖片來源:Facebook群組「我真係好鍾意迪士尼資訊分享群」)

有網民留言同意港媽建議,認為迪士尼樂園應該學學海洋公園,設置外賣餐車方面入園遊客買飯,港媽回覆表示同意之餘,又稱「似我依種單拖嘅家長都好多,人多嘅時候,真係好無助」又指自己「當日冇咁幸運,遇到啲熱心嘅市民,個個都自己顧自己」疑似暗示其他入園遊客自私自利,不願意伸出援手幫手湊女。

【迪士尼樂園】
有網民留言同意港媽建議(圖片來源:Facebook群組「我真係好鍾意迪士尼資訊分享群」)

亦有網民認為錯在港媽,認為港媽未有盡媽媽責任,將女兒放置在陌生人群中,「你哋食少餐唔會死,小朋友有咩意外就一世,唔好以為入咗迪士尼就肯定冇壞人/冇意外先得㗎」,並指就算認為樂園設施及安排不周,都不應該讓小朋友離開視線範圍。

迪士尼 大鬧港媽痴線
大鬧港媽痴線(圖片來源:Facebook群組「我真係好鍾意迪士尼資訊分享群」)

圖片來源:香港迪士尼樂園官網、Facebook群組「我真係好鍾意迪士尼資訊分享群」