幼稚園畢業典禮瞬間實現小朋友夢想AI片爆紅家長網民感動哭崩有人批用職業定義孩子人生

Jul 14 2026

幼稚園畢業典禮丨本港一間幼稚園在畢業典禮上為應屆畢業生小朋友及家長們送上一份極具心思的特別驚喜，校方利用AI技術將每位小朋友的夢想「瞬間實現」，為每位畢業生製作約5秒鐘的虛擬影片在畢業典禮大螢幕上，播放的一刻，台下家長感動落淚，但網上隨即掀起一場關於「職業標籤」的激烈爭論。

遵道幼稚園用AI將畢業生夢想化為5秒虛擬影片

位於元朗的遵道幼稚園（Abiding Kindergarten）在其官方Facebook及Instagram上分享今年幼稚園畢業典禮的短片，校方運用AI技術，將每位應屆畢業生的夢想及長大後的樣貌製作成5秒虛擬影片。當螢幕上逐一呈現每位小朋友逐漸「長大」，瞬間變身成醫生、消防員、香港小姐甚至雪糕車司機的畫面時，現場氣氛達到高潮。校方事前完全保密，讓這份驚喜在典禮當日才首次曝光，令在場所有家長及學生都為之動容。

遵道幼稚園分享籌備畢業禮物的心路歷程

遵道幼稚園其後在官方社交平台發帖，分享這份驚喜背後的心意。校方表示：「呢份驚喜，我哋籌備咗好耐——偷偷用AI技術將小朋友嘅夢想『瞬間實現』。」帖文又提到：「好感恩我哋有機會將AI帶入畢業典禮，為孩子同家長送上呢份小驚喜。但最令我哋感動嘅，從來唔係科技有幾先進——而係見到每個孩子嘅夢想，响螢幕上發光嘅嗰一刻。」校方強調整個活動的核心並非展示科技，而是希望讓孩子感受到夢想被重視。

網民意見兩極「我係小朋友既話會好開心」

帖文發出後隨即引來大量網民留言，不少人大讚校方用心，紛紛留言「好感動～睇到會流眼淚」、「我係小朋友既話會好開心」、「好正好感動，相信孩子的家長在現場應該會忍不淚水」、「支持小朋友追夢」；另有不少人稱讚這間幼稚園很好，「呢間幼稚園好好,能夠完成小朋友嘅夢想佢哋一定好開心只是一個夢想啫,通常大個之後,就會再有自己嘅想法,兒時的夢想可能就會改變、甚至忘記」

部分網民質疑：其實不用用職業定義孩子日後的人生

然而，部分網民提出質疑，認為「其實不用用職業定義孩子日後的人生」，有人更進一步批評「根本潛意識地框架咗小朋友人生嘅價值，純滿足大人嘅自我感動同投射，剝奪咗小朋友動態成長嘅空間。喺呢件事上面反影到小朋友被剝奪作為一個「獨立精神個體」嘅自由，而且會係一個等住被社會標籤、被職業定義嘅工具人。」，坦言看短片時感到不舒服。

支持者問「我的志願」唔寫得：點解要否定小孩子嘅夢想呀？

面對質疑聲音，不少網民隨即反駁。有人直言：「啫係唔問得小朋友大個之後想做咩呀？以後『我的志願』唔寫得禁題」、「有夢想嘅問題係邊呀？點解要否定小孩子嘅夢想呀？」、「其實你哋有冇睇晒內文？佢哋係講用ai實現小朋友嘅夢想職業，唔係實現家長對小朋友嘅夢想職業只不過係將小朋友嘅『我的志願』形象化咗姐，個個就上晒腦咁」；
另有網民詳細解釋「一段5秒嘅虛擬影片就定義到甚至改變到一個小朋友嘅將來？還是你地唔容許小朋友有志願同夢想？AI影片只係將小朋友當下嘅想像具體化形象化而非你地所謂嘅框架同定型何況一直以來學校同坊間都有職業主題嘅角色扮演讓小朋友體驗唔同工種跟唔上科技嘅步伐唔緊要但拜託唔好套用老一輩嘅傳統思想去限制小朋友嘅天馬行空」這場關於幼兒教育中夢想定義與成長空間的爭論，至今仍在網上持續發酵。