鄭中基淺水灣過億獨立屋曝光 從醉酒鬧事黑歷史脫胎換骨 浪子化身愛妻號

鄭中基淺水灣過億獨立屋曝光

現年49歲的鄭中基於2011年迎娶前有線女主播余思敏，先後誕下大女鄭梓喬（Emma）及細仔鄭梓仁（Evan），婚後的鄭中基一改以往「無賴」的性格，對Sammie和孩子都照顧有加。現在的鄭中基，可說是真正的浪子回頭，全因Sammie和一雙兒女，才令他人生變得更圓滿。

現時鄭中基一家四口居住在淺水灣獨立大屋，Sammie不時都會在網上分享一家四口的生活點滴。從相中可見，全屋以米白色的風格為主，感覺整齊簡約。屋內樓底高有複式設計，把客廳和偏廳間隔一分為二。客廳相當闊落，可擺放兩張梳化及茶几，聖誕節時即使擺放逾2米高的聖誕樹都依然空間十足，讓一家人有足夠的活動空間。走過樓梯後，偏廳有足夠地方可擺放子女的玩具，絕對是他們的小天地！

獨立屋配上落地玻璃的設計令屋內光線充足，而連接廳外的大露台上還種了不少植物，更可望到一望無際的海景，令人心曠神怡。另外，鄭中基不時都會在家中親自下廚，家內的廚房同樣寬敞，煮食用具整齊排列，絕對令人有意欲下廚。

鄭中基脫胎換骨變身廿四孝老公、爸爸

鄭中基年輕時給人一種愛玩的形象，深入民心，他更曾經自嘲是無賴，但自從2011年與前主播余思敏結婚後，被對方降服，修心養性。在仔女Emma和Evan出生後，更將生活重心轉移至家庭上，當上「暖男爸爸」、廿四孝愛妻號，一對寶貝仔女出世後更加變深閨，幾乎絕跡社交活動，放工第一時間趕回家做住家男，簡直脫胎換骨。他身邊好友透露 :「Ronald識咗Sammie之後簡直變咗另一個人，唔再貪玩成個踏實晒，應酬活動更加唔願去，寧願留喺屋企陪仔女玩，佢完全畀對仔女融化咗，對住佢哋好滿足，全日對住對仔女都得。」

鄭中基好友續指：「咪睇佢以前成日掛住玩，做咗爸爸之後，佢乜都仔女行先，又錫老婆，唔會將湊仔責任推晒畀太太，成日都會話太太為佢付出咗好多，真係估唔到佢可以咁黐家！」

鄭中基曾在社交網站上分享與太太合照，分享與太太在日本旅行過二人世界，更在櫻花下合照，還晒出「老公視覺」下的Sammie，寄語各位老公要專心幫老婆影靚相，十分sweet！

鄭中基公開感激太太

賢慧的余思敏深得老爺奶奶歡心，將一對仔女教得精乖伶俐，Sammie功勞可不小。2019年《Play it again》演唱會澳門站，鄭中基就在台上感激太太說：「佢為我增加咗兩個心愛嘅人，以前我從無諗過生小朋友，我係浪子，點會左拉右拖，不過做咗爸爸，成日會同導演講要開早啲，等我早啲收工返屋企陪細路！」

鄭中基 「為何讓喜歡我 我這種無賴」

鄭中基在娛樂圈中花名叫「太子基」，原因就在於他的驚人家底，他的父親鄭東漢堪稱是亞洲娛樂業界的娛樂大亨，是第一個國際唱片集團華人總裁，是金牌大風唱片公司的大老闆，同時也有「華語音樂教父」之稱，曾經捧紅過鄧麗君、許冠傑、張國榮、張學友等多位天王級人馬。

惟在2000年，他乘搭飛機由美國洛杉磯去台北途中喝醉酒、在飛機上吸煙，當空姐及機艙服務員上前制止時，他更激動扯空姐頭髮、用手叉副機長嘅頸，令飛機要急降阿拉斯加，最終他 被美國FBI拘捕。當年，美國FBI起訴他一項可令他入獄20年的罪行，但幸好最後並沒有入獄，只是罰款2,500美元兼留案底，但此事令他的事業走下坡。早前他拍YouTube影片重提此事，並形容為人生最深刻嘅經歷：「以前唔會好深入諗問題，覺得唔好理喇，今日開心咗就算。喺嗰個年紀唔會諗到咁遠，就弊喇，嗰次教訓好大，突然間失去咗好多嘢。」不過佢認為嗰件事令他成長了好多：「諗返轉頭，嗰時個天待我不薄，無要我死，只係好大力扑我一吓：『喂你好醒喇！再唔醒就唔得』」

幸得劉德華鼓勵再創事業高峰

醉酒鬧事令鄭中基的歌唱事業直走下坡，他指自己曾經意志消沉，幸得劉德華一番鼓勵，才令鄭中基轉戰電影圈，拍出多部極受歡迎的電影，如《龍咁威》系列、《追擊八月十五》、《我要做Model》等等。當年一首《無賴》講述他的人生經歷，為他創出另一個事業高峰，他曾坦言《無賴》是以自己的心聲而寫的歌。

他曾跟方力申、梁漢文主持TVB節目《美女廚房》，都是不少人心中的經典。在節目中，不少女嘉賓被嘲笑廚藝差，甚至遭冠以「地獄廚神」稱號，但鄭中基就指他們某部分嘅評語是效果一部分，並非真心話：「嗰時我哋收到嘅指令就係，每一個都要話唔好，但其實有啲真係唔差，做效果囉。」

在2013年他憑《低俗喜劇》中「暴龍哥」一角成功奪得「最佳男配角」，戲中他進食「牛歡喜（牛陰唇）」一幕令人深象深刻，他大爆背後內幕：「每個粗口都係寫咗落劇本度，因為廣州人講嘅粗口用字同香港人係唔一樣，所以我要跟足劇本。」另外他澄清戲中所吃的 並非「牛歡喜」：「唔知會拍幾多次，驚食太多，真正拍嗰時只係食豆乾，穩陣啲。」拍完才自己到外面餐廳吃：「好食，似牛筋腩、爽腩，少少韌、少少滑，唔潺。」

當年他在台上講得獎感受時多番哽咽，說出了多年來的心底話：「由我出道開始畀人印象唔係幾好，因為我爸爸係個唱片公司嘅老闆，而我自以為自己唱咗幾首歌就懶叻咁，咁亦都無令大家跌眼鏡，我周不時都出事。但好彩我一世都好好運，畀我遇到好多好錫我、好支持我，同無放棄我嘅人。」

「劉德華先生同我講過，浪子回頭金不換，你依家開始要諗下跟住要點做，要點行。你仲有大把時間，不過你真係要諗清楚。所以我將自己覺得最叻嘅唱歌放低咗，我去咗拍電影，由我唔識嘅嘢開始做。」最後他多謝家人、太太Sammi和女兒Emma：「我要多謝我屋企人，我爸爸媽媽，一直對我不離不棄地支持。同埋我要呢個獎，獻畀我老婆Sammie同個女Emma，多謝你哋。」而Sammie在台下則哭成淚人。

鄭中基的兩段情

當年鄭中基與同期出道的楊千嬅拍拖，鄭中基以一曲《2月3日》（楊千嬅的生日日期）成功奪得千嬅芳心。縱然當時二人戀情被看好，但最終分手收場，而至今雙方仍一直維持好友關係，極為罕見。鄭中基於2009年承認與蔡卓妍（阿Sa）拍拖，並於美國與阿Sa註冊結婚，但被發現後隨即宣布二人已離婚。2017年鄭中基舉辦演唱會，楊千嬅更擔任嘉賓與前度同台合唱，結束前大家更喺歌迷見證下友情擁抱。千嬅當日都有上傳二人合照，更指「能夠圓滿別人的快樂和成功是我的福氣，感恩」。

鄭中基與千嬅分手後，與蔡卓妍（阿Sa）拍拖，並於美國與阿Sa註冊結婚，可惜最後二人於10年宣布二人因了解而分開，被發現秘婚後隨即開記者會道歉並宣布二人已離婚。