3胞胎

鄭麗莎請3個工人姐姐照顧 3胞胎

熱話

廣告

噚日 鄭麗莎 (Lisa)PO咗一張帶 3胞胎 去打4個月針的照片,仲寫住:3隻小蛛4個月大,一齊出發去健康院 + 送哥哥返學的時候。網友立即發現原來有三個工人姐姐,有人就話:嘩!三個姐姐好大陣仗啊!不過都有人話:三個工人姐姐咁誇張?其實一啲都無誇張啊! 鄭麗莎 仲話考慮緊請第四個添啊!

 

撰文:Fiona Fong

有網友就留言問到,「其實三個工人除咗照顧BB之外,蜘蛛媽媽要唔要處理埋三個工人姐姐情緒問題?大部人話一間屋2個工人,佢地會比較大家工作量,是非多?」Liza回應話:「要呀,成日都要開家庭會議!」

其實上星期,Lisa都PO咗早前三個姐姐帶 3胞胎 去打2個月針的照片,當時都有唔少網友話排場好勁啊!

不過Lisa就一啲都唔誇張,佢接受我哋訪問時就話會考慮請埋第四個啊!Lisa話:「三個姐姐咩都要做,湊仔、洗碗、洗衫、煮飯樣樣齊,依家三個姐姐都無時停,有時候我都要幫埋手做,甚至做得更多!」

雖然現時三個姐姐做到無時停,不過Lisa都會俾時間佢哋「訓晏教」。「每人都會輪班『訓晏教』,因為夜晚BB喊都要輪流餵奶。所以工人姐姐忙起上黎好忙,但要休息嘅時候都會有返休息嘅時間。」

生下三胞胎前,家中只有一個工人姐姐,但誕下3胞胎 後就多請了兩個,現時都暫時應付到照顧BB嘅事。3年間由夫妻二人增加到9個人,真是個大家族呢!不過原來9個人都未夠數,Lisa早前上載咗老公生日的照片,話:「親愛的汪爸爸,Happy birthday!!!!! 依家係3年抱4,祝你4年抱6,幫你開枝散葉,好不好,哈哈哈!」睇嚟2年之後唔止多2個BB,仲要再多2個工人姐姐先得啦!咁到時咪一家13口!