港媽利用鄰居兒子作教材練「港式」英文　網民反批事主玻璃心

港媽利用鄰居兒子作教材狂曬英文

這位網民在 Facebook 專頁生仔要考牌系列上投稿，分享一天與老公和兒子的遭遇，與兒子玩完回家時，他們在樓下大堂碰到同座一家五口的住戶，他們有一個年約 2 歲的兒子。事主兒子也習慣跟陌生人打招呼，兩家人都講一聲Hello。

突然間港媽用英文問自己小朋友：「What colour is 哥哥 ballon？」事主補充剛剛餐廳送了黃色氣球給兒子，小朋友回答：「Yellow！」港媽繼續問小朋友：「What colour is 哥哥 shirt？」小朋友回答：「Green！」港媽再問小朋友：「What colour is 哥哥 mask？」小朋友回答：「Blue！」該港媽完全把事主的兒子當作教材，港媽一家離開後，事主與老公對望苦笑，說：「嗰個阿媽一定覺得自己好『型』，阿仔係人生勝利組」。

網民意見兩極：會唔會係事主玻璃心

事主有感港媽在「曨命」自己兒子叻，但卻是不恰當的身教，認為與鄰居應該簡單寒暄，而非以鄰居兒子作教材練英文。帖文也引起不少討論，但網民反應兩極，有人同意事主「係對人唔尊重，好似當人係教材咁，欠缺禮貌」、「似乎唔識體諒其他人嘅感受， 而家教仔大曬咩？」、「討論埋人地全身上下就講多咗，對方覺得offended唔出奇」；也有人持相反睇法「會唔會係樓主玻璃心」、「一野假設人地係炫耀，係咪代表你心入面都有競爭心？」、「睇嚟以後教仔女要匿埋喺屋企教先得，咁先夠謙虛」。