港爸媽點餐後要求調位被拒大鬧壽司郎 斥店員30分鐘結局驚人 女店長應對獲讚

港爸媽光顧壽司郎五人被分兩枱入座

據拍片者透露，一對野蠻夫婦是一家四口連同一位工人姐姐光顧壽司郎荔枝角分店。他們被店員安排以兩張雙人枱入座，父母與一個小朋友坐吧枱，鄰近迴轉帶的位置，而工人姐姐與另一個女兒則坐在相隔比較遠距離的另一張枱。

要求調位被拒 女店長耐心解釋

入座約五分鐘後，該對夫婦看到吧枱後方的客人離座。過了15分鐘，他們眼見亦未有人入座，於是向店員要求把工人姐姐和女孩調過來鄰座，方便一家人前後相連而坐。

壽司郎女店長親自向該對夫婦解釋未能安排調位原因，指即使父母並未點餐，但由於工人姐姐與女兒入座後已經點餐，餐廳電腦系統已經開始計算用餐時間，故無法安排調位。夫婦二人聞言開始發脾氣，男食客大叫：「（明明）有位畀我哋㗎，都唔得嘅？」、「咁咪埋咗張單過嚟食囉！」

直指店長安排不靈活 大鬧30分鐘

女店長指因已下單電腦系統運作問題，無法安排調位，夫婦隨即回話：「咁咪埋咗嗰張單，調過嚟食囉！」，多次強調「調位好簡單」。女食客直指女店長處事不靈活：「點解咁唔flexible？」，揚言要投訴她。

雙方爭論近乎30分鐘，期間該對夫婦在餐廳內情緒激動，大聲謾罵女店長因拒絕調位浪費用餐時間：「我係唔會理你呢啲嘢，你唔調比我哋就一直坐喺度唔郁」、「我唔理你吖！總之你依家畀返用餐時間我，呢度食開始計時間！」

擅自搬動食物強行調位 女店長應對獲讚

最後，男食客不理女店長及店鋪安排，擅自把工人姐姐和女孩所點食物搬到吧枱鄰座位置，強行調位入座。女店長面對野蠻夫婦的輪番轟炸，全程保持禮貌，耐性解釋店鋪系統技術運作問題，並多次提醒該對夫婦用餐時間。

面對如此野蠻的行為，拍片者也不禁說出一句：「有位你坐就算啦」。此外，亦大讚女店長：「唔會話唔做你生意，反而講希望客人配合，希望客人可以理解。」

網民反應兩極

影片發佈後，網民反應兩極，雖然不少網民都大讚女店長處理有禮：「好佩服職員要處理各式各樣的客人」、「幫襯十幾次, 從無不愉快經驗」、「有啲咁嘅父母真慘」、「兩公婆好失禮人」。另有網民亦認同食客一方，認為店長處理時應該變通：「我都覺個店長處理得差」、「劉德華廿年前個廣告就已經教過唔好怕麻煩而唔幫個客改單」、「其實比我就即走」。