關心妍

關心妍 囡囡一歲生日 等足7年才懷孕全靠暖子宮

熱話

廣告

一年前 關心妍 誕下囡囡Jovia,今日終於一歲生日! 關心妍 趁住囡囡生日係Instagram post咗同囡囡係沖繩慶祝生日嘅合照,仲話囡囡生日做媽咪嘅佢喜極而泣!錫女錫到燶嘅佢曾經講過,有咗囡囡之後,「無咩都想留喺屋企湊囡,唔好話復出,連出門口都有困難啊!」原來呢一粒掌上明珠得來不易,兩公婆一等,就等足七年!到底他們最後用什麼方法 造人成功 ?Jade揚言:要 懷孕先暖子宮!

撰文:Ling
編輯:Sunday Kiss
相片:關心妍IG,新傳媒資料室

轉眼間Jade 嘅囡囡已經一歲,趁住囡囡一歲生日關心妍 一家三口去咗沖繩玩同慶祝。Jade 係Instagram post咗同囡囡嘅合照,仲留言:「Happy birthday#joviayang1歲生日快樂! 今朝攬住你媽咪喜極而泣因為你轉眼一歲。感謝主賜這可愛小天使給我! 」果然超級錫個女呀!

37歲Jade自2009年下嫁金融才俊楊長智,對於生B一事,有感大家依舊年輕,未急於全力造人。一年一年過去,到 33歲開始認真計劃,期間有停工休息,希望在無壓力下造人,但換來多次詐糊。兩夫婦曾互相質疑過,再扶持,尋遍坊間的求子秘方,甚至考慮人工受孕,若果都 不行的話,或需領養小孩,希望最終有一個完整的家庭。

前年,Jade覺得要試任何懷孕方法前,必先養好身子。去年底終於有好消息,Jade自然懷孕成功,她笑言得知有孕的一刻,如果可以跳的話,真是開心到跳起!而家囡囡已經1歲大,睇住囡囡健健康康咁成長,一定好感動!

「我又唔係好高齡,點解咁困難嘅?」Jade這七年間也不禁質問,她一早知道「有仔趁嫩生」,婚後一直有造人,只是頭兩年未好恨生B,抱着嘗試的心態去造, 「冇就唔緊要啦,再等吓先囉,第一我哋仲後生,第二又唔急嘅。」直至35歲開始踏入高齡產婦階段,Jade開始心急,2013年更全面停工,與老公飛到加拿大休息,放鬆心情去造人,以為今鋪實中,豈料試足一年卻失望而回。

是否自己身體出問題?她尋遍中西醫求子,所有秘方、食療也一一試盡,「坊間你講得出嘅我都試過,食過好多詐糊,慢慢我哋變得沮喪,我相信所有想要小朋友但不果嘅夫婦都會明白,點解咁嘅?想要小朋友嘅時候,可以難到咁嘅?真係好難呀,難到你都唔相信,有冇咁難呀?」直至去年確定懷孕,Jade直言真係好似中咗頭獎咁啊!

Jade 的經歷,令一班恨生B卻苦無結果的夫婦,重燃希望,她以過來人身份向求子的女士分享道,要懷孕,先要養好身體!

1. 戒凍飲、多飲紅棗水

以前我冇咁乖,試過飲中藥唔得就算,咁我冇 可能長期用中藥調理,一路調理一路都冇係好沮喪㗎嘛。後來我試吓天然食療,戒凍飲、多飲紅棗水,又從日常生活改變吓習慣,開始做一啲暖子宮嘅嘢。

2. 臨睡前浸腳

腳部是人體的「第二個心臟」,中醫亦有云:百病始於足,故女人的腳部護理十分重要,好好溫暖雙腳能有效促進血液循環、促進睡眠,更有助溫暖子宮,於是 Jade每晚臨睡前浸腳,在家也着襪,長期保持腳部溫暖。「女人對腳好緊要,寒氣、濕氣都喺對腳吸上去,好多人返到屋企就除晒鞋襪,好舒服呀,或者覺得熱 呀,原來唔着拖鞋係唔好,仲應該要着襪,我好乖每晚臨瞓都浸熱對腳,我相信或多或少都有幫助。其實任何方法都一定要身體好,就算做試管都要睇自己捱唔捱 到,成功令受精卵着床。」