《中2》陳俞霏1原因從不想生育 靠3歲女兒解開心結 母女照曝光
陳俞霏：我呢世人最唔想要小朋友
參賽期間，陳俞霏曾接受製作組訪問，透露自己育有一名3歲多的女兒，目前她正身處廣州生活。陳俞霏坦言從沒想過自己會生小朋友：「講真我呢世人最唔想要嘅就係小朋友，因為唔想我嘅小朋友過住我以前過嘅生活。」
母親極嚴厲：要我成績全部滿分
萌生這樣的想法，原來是來自她年幼時的經歷。陳俞霏曾透露自己的身世，早已經經歷喪父之痛的她由母親獨力湊大。她指小時候媽媽對她非常嚴厲：「佢希望我成績全部係『滿分』，『99.5分』對佢嚟講已經係瑕疵，令我有少少心理陰影，覺得自己一直為人哋而活。」
陳俞霏當媽後覺悟 母女照曝光
直到當了媽媽，陳俞霏沒想到會反而從女兒身上找到救贖 ：「佢救咗我，畀咗好多快樂我，我人生一直係我媽咪話曬事，有咗囡囡先發現人生原來唔係咁。」她在節目上更分享了與寶貝女的合照，很多網民都稱讚其女兒很可愛，樣子也很像媽媽。最後，她語重心長寄語女兒：「做自己，唔好理人哋，開心就得！」
陳俞霏原名「陳藝之 Eaven Chan」
現年35歲的陳俞霏其實出道已有十數年，香港出生的她真正身份是廣州歌手，2015年當時26歲的陳俞霏以原名「陳藝之 Eaven Chan」，是5男1女組合「Project Ace」的成員， 同年又與李燦森的樂隊合唱《秘密行動》，得到2015年香港新城勁爆頒獎禮「最佳HIPHOP組合獎」 。其後陳藝之以個人身份繼續發展音樂，又做聲樂老師以新式方法教唱歌。
陳俞霏談香港樂壇：高壓欠包容、好Old School
香港出身的陳俞霏19歲已經出道，在音樂圈中有「𡃁妹」之稱，游走於各地發展音樂，參與不少演出，3年前接受廣州音樂頻道「本土樂人訪」時曾經分享自己為何鍾情廣州樂壇，她認為香港的樂壇欠缺包容、「好Old School」 ，喜愛西洋音樂風格的她難以找到出路，而且生活也高壓，所以選擇以廣州作為自己發展音樂事業的重心。
陳俞霏爆喊自認單親「人生好失敗」
陳俞霏在除夕夜（31日）第七部曲《十八強故事之歌 年終淘汰賽！》下半場現身，她以All Black造型亮相獻唱《沒結果》，曾經兩奪5星的她坦言，這首歌《沒結果》是她人生的寫照，她哭着說：「好細個爸爸就過咗身，媽咪一個人獨力湊大我，好多單親家庭嘅孩子都會明白，佢哋（父母）唔係好識愛，但佢會畀到好多物質上嘅嘢我，同埋選擇咗道路畀我行，其實講到底我都係想你接我返一次學，只係想一家人一齊食一餐飯，我咁多年嚟冇同屋企人過個一次生日，好多嘢都係批評之下度過，無論點做都冇用，所以我覺得人生係好失敗。」
肥媽勸勉陳俞霏：唔識教唔代表唔愛你
身為評審之一，且人生閱歷豐富的肥媽聞言後，即語重心長對陳俞霏說：
「你覺得冇同屋企人食過一餐生日飯係好慘嘅事，你係錯嘅，你家人錫唔錫你佢永遠都係家人，同埋我哋嗰代讀得幾多書啫，其實你哋依家大個咗，應該知道我哋嗰代做嘢都好辛苦，我哋係用把口嚟教，我六年班都未畢業，點教我啲小朋友，咪日日鬧囉，但係出嚟都OK，我哋唔識教呀，唔代表我哋唔愛你，你知唔知呀？」
陳俞霏曾合唱 《失戀無罪》自爆失婚變獨身
其實，陳俞霏在節目上也曾透露自己失婚變獨身，以全黑西裝上陣的俞霏獻唱《失戀無罪》，她透露唱這首歌的原因：
「前嗰排經歷咗好多事，導致婚姻失敗等等一系列嘅事，覺得揀呢首《失戀無罪》幾好，其實就算一個人獨身都可以好快樂，希望不負呢個舞台同埋自己。」
陳俞霏上回合對戰安雅希坦言要「打定輸數」，因此唔再唱拿手的快歌，決定「回應網民要求」唱慢歌。選A-Lin的《失戀無罪》，雖然單對單敗陣但最後都能晉級。
