消防處副處長陳慶勇名校學霸背景 忍淚應對傳媒獲讚 英文名揭父母教養
宏福苑大火︱陳嘉欣直播災情強忍情緒超專業 獲封「真實版新聞女王」自行低調悼逝者
消防處副處長陳慶勇忍淚英文簡報獲激讚
有網民於Threads上載陳慶勇作出簡報的片段，面對大批中外傳媒，在痛心、高壓情況下處變不驚，雖然「口震」忍住傷心情緒，但他回答提問清晰兼簡單直接。他更即場以英文回答《南華早報》等媒體的記者提問，雖然帶點港式英語，但表達流暢，其後更應現場要求以英文重複簡報一次，展現專業冷靜的態度！
宏福苑大火｜丈夫掩臉哭憶太太最後求救通話：生又好死又好 救佢出嚟先
網民爆料陳慶勇會考8A1B佳績
陳慶勇隨即被網民「起底」，有人指這名消防處副處長出身傳統名校喇沙書院，更指陳慶勇當年會考取得8A1B佳績，是名副其實的高材生。另外，有自稱為香港大學校友的網民親揭陳慶勇的背景，指他曾是香港大學聖約翰學院宿生：「佢係我哋港大St. John’s College 學兄，人品好，讀書叻，運動勁，希望大家為佢同佢嘅同袍祈禱！」翻查資料，陳慶勇服務消防處逾25年，去年更獲特區政府頒授香港消防事務卓越獎章。
37歲宏福苑殉職消防員何偉豪傳下月結婚 相愛十年未婚妻貼黑白照首開腔：我接受唔到
香港大學聖約翰學院背景顯赫
香港大學聖約翰學院是港大歷史最悠久的住宿學院，創立於1912年，至今已有逾百年歷史。宿生來自港大不同學院與學系，包括文學院、理學院、商學院、法律學院、醫學院、工程學院及社會科學學院等，歷屆校友遍布各界，包括前律政司司長黃仁龍、前公務員事務局局長林煥光以及新聞主播方東昇等。
宏福苑大火家屬憑照片認屍辨認遺體 部分需由親友攙扶 路過市民睹慘況哽咽
網民大讚陳Sir陳慶勇冷靜對答：口都震埋，應該好傷心
網民紛紛留言讚揚陳慶勇的表現，「呀Sir三日三夜冇瞓」、「見咗勇Sir 3日 早又係佢、夜又係佢、深夜都係佢 對眼越嚟越細、面頰都凹埋」、「明顯一日比一日消瘦同憔悴」、「再一次向陳sir致敬，每一次出嚟講嘢都唔會拖泥帶水」、「仲要態度誠懇」、「佢口都震埋，應該好傷心，但佢都堅持給冷靜地講 respect」、「忍到無流眼淚」；有認識陳慶勇多年的友人更留言大讚其為人，「認真講番句，佢係一個真心有heart嘅人，對人對家庭對朋友做事都係！我可以用我本人做証！」、「文又得、武又得，香港之子」；部分網民認為這樣的學霸高材生仍選擇投身消防，是香港的福氣，「當年嘅港大畢業生，有冷氣房唔坐，唔怕辛苦跑去做消防，可想而知係幾有服務社會嘅決心。」。另外，網民發現2016年牛頭角迷你倉大火，當時第一位殉職消防員於醫院搶救時候，新聞片段中亦發現到陳sir在場的身影。
宏福苑大火｜16歲女生剛過生日放學回家後 發求救訊息後失聯 胞兄及男友發帖尋親
消防處副處長陳慶勇英文全名CHAN Derek Armstrong獲關注
有網民翻查資料後，陳Sir的英文全名為「CHAN Derek Armstrong」，紛紛表示是一個特別英文名，疑似是陳Sir友人留言解釋「Derek is first name, 我哋所講嘅英文名, Armstrong 係 middle name。我咁多年都係叫佢阿勇, 其他識佢嘅人會叫佢 Derek」、「佢係喇沙仔兼HKU出身，的確係社會精英嚟，呢個英文名好符合佢」、「Armstrong第一個登陸月球嘅人類，岩士唐」、「個名好襯佢」，又有網民稱讚陳Sir父母是有教養的知識分子，才為兒子改此英文名字，「應該父母都係有知識嘅人，所以先至會改呢個名」。
宏福苑大火｜演員借火災推銷保險 TVB凌晨發聲明割席譴責 附當事人澄清
