陳柏宇10個月大細女狂望50歲少女殺手即黑面 場面尷尬
陳柏宇早餐直播愛女日日登場超暖心
陳柏宇在平日送完大女Abigail返學後，幾乎每日都會帶細女一齊到紅磡某茶餐廳開直播食沙嗲牛同菠蘿包，就連餐廳姨姨同街坊都認得陳柏宇兩父女，有時候侍應姐姐更會送白麵包給細女Audrey吃。陳柏宇的「早餐直播」系列一直深受網民歡迎，每次都會吸引幾百人收看，網民都紛紛留言大讚：「你哋生活好貼地呀，好親民，我鍾意你哋」、「你哋每次都嚟這間餐廳應該好好吃」、「你哋真係好似樣」、「BB太可愛了」等。
細女狂睇森美 網民：果然係少女殺手
此外，原來連森美都是陳柏宇的直播粉絲之一，日前他在IG轉發自己觀看陳柏宇IG直播的影片截圖，看到Audrey與茶餐廳中的「森美叔叔」同框。其後，Audrey更越坐越近，一直目不轉睛地看著印有森美樣貌的海報，不理會爸爸。陳柏宇即時臉色大變，不是味兒，場面尷尬又搞笑。其後，森美大讚陳柏宇是個好爸爸，更笑稱：「笑死人咩？叔叔！對少女有無窮嘅吸引力，小女先啱，3歲以下！」，也有網民指現年50歲的森美「大哥果然係少女殺手」。
不過Audrey看完森美的照片後，隨即拿起台上一隻碟，因而有網民向森美大潑冷水：「最後見到立起左隻碟對住森美」、「BB想車隻碟埋去喎」、「片可以創作為： 柯住（Audrey）心諗，睇到你個樣唔開胃，都係攞隻碟遮住先」、「BB立架撐喎」等。
陳柏宇1原因堅持每朝陪囡囡早餐
陳柏宇之所以堅持每天堅持與囡囡吃早餐，原來是想為她們製作一段珍貴的回憶。他透露自從疫情開始，自己每天陪伴大女在家中吃早餐：「Abi只有歲幾嘅時候開始，日日同佢喺屋企食早餐，我希望久而久之會變成一種傳統，呢樣嘢幾好，因為當小朋友大個，忙嘅時候，一齊食早餐嘅機會就會愈嚟愈少，我好希望呢個會變成屋企裏面嘅一種傳統。」
陳柏宇細女日日轉造型深得觀眾歡心
由於目前只有10個月大的細女Audrey未有太多頭髮，所以媽媽符曉薇（Leanne）經常都會為她戴帽保護頭部，以免著涼生病。陳柏宇指，太太得悉每次Audrey戴新帽都一定會惹來網民熱烈討論，所以不時為囡囡買新帽換頻換新造型，包括魔鬼牛角、爆炸頭假髮、小紅帽、牛牛等多款帽子，很多網民都大讚Audrey好可愛。
圈內人都是陳柏宇女兒小粉絲
原來，也有不少圈中人十分喜愛「早餐系列」的直播，近日有「特別嘉賓」Serrini登場與陳柏宇三父女一起吃早餐。原來Serrini一直都是陳柏宇兩個囡囡的粉絲，特意在上星期六抽空到茶餐廳現場，參與早餐直播，Serrini更特意準備頭套配合Audrey，認真搞笑。
